‛கில்லி' ரீ-ரிலீஸ் : த்ரிஷா நெகிழ்ச்சி | சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் |
தமிழ்த் திரையுலகத்திலிருந்து அடுத்து எந்த நடிகர் அரசியலுக்கு வரப் போகிறார் என அரசியல் உலகிலும், திரையுலகிலும் பலரும் ஆர்வத்துடன் காத்துக் கொண்டிருக்கிறார்கள். எம்ஜிஆர், சிவாஜிகணேசன், எஸ்.எஸ்.ஆர், சரத்குமார், விஜயகாந்த் என இதற்கு முன் சிலர் அரசியலில் இறங்கினர். இவர்களில் எம்ஜிஆர்., மற்ற யாராலும் அரசியலில் ஜொலிக்க முடியவில். விஜயகாந்த் மட்டும் எதிர்கட்சி தலைவராக வளர்ந்தார்.
ரஜினிகாந்த் 20 வருடங்களாகவே அரசியலுக்கு வருவாரா, மாட்டாரா என்பதை சஸ்பென்ஸ் ஆகவே வைத்திருக்கிறார். அவருக்கு முன்னதாக கமல்ஹாசன் அரசியலுக்கு வந்து விடுவார் போலிருக்கிறது. இந்தப் பட்டியலில் இன்னும் விஷால், விஜய் என சிலர் சேரலாம் என்று எதிர்பார்க்கப்படுகிறது.
கார்த்தி நடித்துள்ள தீரன் அதிகாரன் ஒன்று படத்தின் தெலுங்கு பதிப்பான 'காக்கி' படத்தின் பத்திரிகையாளர் சந்திப்பு நேற்று ஐதராபாத்தில் நடைபெற்றது. அப்போது அவரிடம் அரசியல் சம்பந்தமான சில கேள்விகள் கேட்கப்பட்டன.
கார்த்தி அரசியலுக்கு வருவாரா மாட்டாரா எனக் கேட்டதற்கு, “எனக்குக் கல்யாணம் ஆகிடுச்சி, அரசியலுக்கு வரதுக்கு எனக்கு நேரமில்லை” என நகைச்சுவையாக பதிலளித்தார்.
அடுத்து, கமல்ஹாசன், விஷால் அரசியல் பிரவேசம் பற்றி அவரிடம் கேட்டதற்கு, “விஷாலுக்கு இன்னும் கல்யாணம் ஆகலை, அரசியல் அவருக்குப் பொருத்தமா இருக்கும். கமல்ஹாசன் ஒரு நல்ல அரசியல்வாதியா வரலாம். கமல் ஒரு விஷயத்தை பேசினாலோ, செய்தாலோ அவர் அது பற்றி சரியான ஆராய்ச்சி பண்ணிட்டு தான் செய்வார். அதை செய்வதற்கு முடிவு பண்ணி அவர் இறங்கிட்டால், திரும்ப அதில் இருந்து பின் வாங்க மாட்டார். அவர் அரசியலுக்கு வந்தால் மக்கள் அவரை எளிதில் அணுக முடியும் என்று நான் நினைக்கிறேன்,” என கருத்து தெரிவித்தார்.