டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தீபாவளியன்று வெளியான 'மெர்சல்' இந்த வாரத்துடன் ஒரு மாதத்தைக் கடக்க உள்ளது. கடந்த வாரம் 9ம் தேதி தெலுங்கு டப்பிங்கான 'அதிரிந்தி'யும் வெளியாகி விஜய்யின் முந்தைய டப்பிங் படங்களைக் காட்டிலும் நல்ல வரவேற்பைப் பெற்று ஓடி வருகிறது. முதல் நான்கு நாட்களில் சுமார் 7 கோடி வரை இப்படம் வசூலித்திருக்கலாம் என டோலிவுட் வட்டாரங்கள் தெரிவிக்கின்றன. தெலுங்கு உரிமை விலையான 5 கோடியைத் தாண்டி தற்போது லாபத்தில் நடைபோட்டுக் கொண்டிருக்கிறது என்கிறார்கள்.
விஜய் நடித்து இதற்கு முன் அங்கு டப்பிங் ஆகி வெளியான 'நண்பன்' படத்தின் ரீமேக்கான 'சிநேகிதடு' படம் 10 கோடி வரை வசூலித்து விஜய்யின் தெலுங்கு டப்பிங் படங்களில் முதலிடத்தில் உள்ளது. அந்த சாதனையை 'அதிரிந்தி' விரைவில் முறியடித்துவிடுமாம். இந்த வார முடிவிற்குள் 'மெர்சல்' படத்தின் மொத்த வசூல், தெலுங்கு வசூலையும் சேர்த்து 250 கோடியைக் கடக்க வாய்ப்புள்ளது என்கிறார்கள்.
'மெர்சல்' படம் தமிழில் மட்டுமே சுமார் 240 கோடி வரையில் வசூலித்திருக்கலாம் என்ற ஒரு தகவலும் உள்ளது. நேற்று கூட தமிழ்நாட்டில் ஓடிக் கொண்டிருக்கும் பல தியேட்டர்களில் ஹவுஸ்புல் போர்டு தொங்கியதாம். 'எந்திரன், கபாலி' ஆகிய படங்களின் தமிழ் வசூலுடன் ஒப்பிடும் போது 'மெர்சல்' வசூலே அதிகம் என்கிறார்கள்.