Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'அறம்' வழியில் வரும் 'அருவி'

11 நவ, 2017 - 15:37 IST
எழுத்தின் அளவு:
Aruvi-is-like-a-Aramm

தமிழ் சினிமாவில் ஒரு படத்தை எடுத்து முடித்து அதற்கு தணிக்கை சான்றிதழ் வாங்கி வெளியிடுவதற்குள் பல பிரச்சனைகளை சந்திக்கிறார்கள் தயாரிப்பாளர்கள். ஆளும் அரசாங்கத்தை எதிர்த்து எந்த ஒரு கருத்தையும் பதிவிட முடியாத நிலையே உள்ளது. தமிழில் 'மெர்சல்' படத்தில் அனுமதிக்கப்பட்ட வசனங்கள், அதன் தெலுங்கு டப்பிங்கான 'அதிரிந்தி' படத்தில் அனுமதிக்கப்படவில்லை.

மசாலாப் படங்களுக்கு மத்தியில் மக்களின் பிரச்சனைகளைப் பற்றிச் சொல்லும் படமாக 'அறம்' படம் நேற்று வெளியானது. இப்படத்திற்கு சமூக வலைத்தளங்களில் பெரிய வரவேற்பு கிடைத்தாலும் தியேட்டர்களுக்குப் படம் பார்க்க வருபவர்கள் குறைவாகவே உள்ளார்கள். நல்ல படங்களை மக்கள் வரவேற்க வேண்டும் என பலர் கூறினாலும் 'அறம்' படம் இன்னும் மக்களை எட்டாமல்தான் உள்ளது. இருந்தாலும் படத்திற்கான விமர்சனங்கள் பாசிட்டிவ்வாக உள்ளதால் அடுத்த சில நாட்களில் வசூல் கூடவும் வாய்ப்புள்ளது.

'அறம்' படத்தில் பல வசனங்கள் ஆட்சி, அதிகார மையத்தை எதிர்ப்பதாகவே உள்ளது. அதற்குத் தியேட்டர்களில் பலத்த வரவேற்பு கிடைத்து வருகிறது. இப்படத்திற்கு இப்படி வரவேற்பு கிடைத்துள்ள நிலையில் மற்றுமொரு நாயகிக்கு முக்கியத்துவம் கொடுத்துள்ள படமான 'அருவி' படத்தின் டீசருக்கும் நல்ல வரவேற்பு கிடைத்து வருகிறது. இப்படத்தின் நாயகி முன்னணி நடிகை இல்லை என்பது குறிப்பிடத்தக்கது. அதிதி பாலன் என்ற அறிமுக நடிகைதான் படத்தின் நாயகி. அருண் பிரபு புருஷோத்தமன் என்ற அறிமுக இயக்குனர்தான் படத்தை இயக்கியுள்ளார்.

தமிழ் சினிமாவில் பெண்களுக்கு முக்கியத்துவம் கொடுக்கப்படுவதில்லை என்ற குரல்களுக்கு மத்தியில் இது போன்ற மக்களின் பிரச்சனைகளை மையப்படுத்திய படங்கள் நாயகியரின் படங்களாக வருவது தமிழ் சினிமாவிற்கு நல்லது. ஹீரோக்களுக்குக் கொட்டிக் கொடுக்கப்படும் பல கோடி சம்பளம், நல்ல சினிமாவுக்கு, பெண்களுக்கு முக்கியத்துவம் தரும் சினிமாவுக்கு செலவழிக்கப்பட்டால் தமிழ் சினிமாவும் இனி உலக சினிமாவாக மாறும்.

Advertisement
'மூன்று முகம், அபூர்வ சகோதரர்கள்', 'மெர்சல்' எந்தப் படத்தின் தழுவல் ?'மூன்று முகம், அபூர்வ சகோதரர்கள்', ... கிளாமர் 'போஸ்' கொடுக்கும் 30 + ஹீரோயின்கள் கிளாமர் 'போஸ்' கொடுக்கும் 30 + ...


வாசகர் கருத்து

No comments found

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Dhuruva natchathiram
    Tamil New Film Bhaskar oru Rascal
    Tamil New Film Billa Pandi
    • பில்லா பாண்டி
    • நடிகர் : ஆர் கே சுரேஷ்
    • நடிகை : சாந்தினி
    • இயக்குனர் :சரவண சக்தி
    Tamil New Film Yavanum Puthanillai

    Tweets @dinamalarcinema

    Advertisement
    Copyright © 2017 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in