Dinamalar

நயன்தாரா படத்தை பிரமோஷன் செய்யும் விக்னேஷ் சிவன்

நயன்தாராவின் மானேஜர் ராஜேஷ் தயாரிப்பில் கோபி நயினார் இயக்கத்தில் நயன்தாரா முதன்மைக் கதாபாத்திரத்தில் நடித்துள்ள அறம் படம் இன்று வெளியாகியுள்ளது. இந்தப் படத்தை நயன்தாரா இதற்கு முன் முதன்மைக் கதாபாத்திரத்தில் நடித்து வெளிவந்த படங்களைக் காட்டிலும் குறைவாக பிரமோஷன் செய்துள்ளனர். அதனால், படத்திற்குப் பெரிய அளவில் விளம்பரம் கிடைக்கவில்லை.

இப்போதைக்கு செலவில்லாத விளம்பரமாக இருக்கும் சமூக வலைத்தளங்கள் மூலம் படத்தை பிரமோஷன் செய்ய நயன்தாராவின் அன்புக்குரியவரான இயக்குனர் விக்னேஷ் சிவன் முயற்சித்து வருகிறார். கடந்த சில நாட்களாகவே அவர் அறம் படத்தைப் பற்றி அவருடைய டுவிட்டரில் தொடர்ந்து பதிவிட்டும், ரிடுவீட் செய்தும் வருகிறார். யாராவது ஒருவர் அறம் என எழுதினால் கூட உடனே அதையும் ரிடுவீட் செய்யும் அளவிற்கு தீவிரமாக இருக்கிறார்.

இப்படத்தின் பத்திரிகையாளர் சந்திப்பில் கூட நயன்தாரா கலந்து கொள்ளவில்லை. அவருடைய மானேஜர் தயாரிக்கும் படம், கதாநாயகியாக நடிக்கும் படத்திற்குக் கூட அவர் பேட்டி கொடுக்க வர மறுப்பது ஆச்சரியமாக உள்ளது. இந்தப் படத்தைக் கூட இயக்குனர் ஏ.ஆர்.முருகதாஸ் மீதுள்ள கோபத்தில்தான் அவர் நடித்துக் கொடுத்துள்ளார். கத்தி பட விவகாரத்தில் முருகதாஸ் மீது கதைத் திருட்டு புகார் கொடுத்தவர் தான் அறம் படத்தின் இயக்குனர் கோபி நயினார். அதனால் தான் பத்திரிகையாளர் சந்திப்பிலும் நயன்தாராவை புகழோ புகழ் என்று புகழ்ந்தார் கோபி நயினார்.

விக்னேஷ் சிவன் அவர் இயக்கும் 'தானா சேர்ந்த கூட்டம்' படத்தைக் கூட இப்படி பிரமோஷன் செய்வாரா என்பது ஆச்சரியம்தான். நயன்தாரா பிரமோஷன் செய்யாத குறையை அவர் தீர்த்துக் கொள்கிறார் போலும்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஹீரோயின் ஆன சஞ்சனா சிங்
• 
  நட்சத்திர ஓட்டலில் திருமணநாளை கொண்டாடிய அஜித் - ஷாலினி ஜோடி
• 
  'அமரன்' நிஜ கதாநாயகனுக்கு அஞ்சலி செலுத்திய இயக்குனர்
• 
  தன் படங்களின் அப்டேட் கொடுத்த ஜிவி பிரகாஷ்குமார்
• 
  நடிகை தமன்னாவுக்கு மும்பை சைபர் கிரைம் சம்மன்