Dinamalar

லட்சுமி - கள்ளக் காதல் குறும்படத்தில் பாரதியார் பாடலா ?, வலுக்கும் எதிர்ப்பு

இணைய உலகம் வளர்ந்துவிட்ட இந்தக் காலத்தில் அதன் மூலம் எந்தக் கட்டுப்பாடுகளும் இல்லாமல் பல்வேறு விதமான தகவல்கள் அதைப் பயன்படுத்துவோரை சென்றடைகின்றன. யு டியூபில் இப்படி எந்தக் கட்டுப்பாடுகளும் இல்லாமல் பல ஆபாச வீடியோக்கள் இளைஞர்கள் மனதைக் கெடுக்கும் விதத்தில் குவிந்து கிடக்கின்றன. அவற்றிற்கு கட்டுப்பாடுகள் வேண்டும் என பல சமூக ஆர்வலர்கள் தொடர்ந்து குரல் கொடுத்து வருகிறார்கள்.

சமீப காலமாக வெப் சீரிஸ் என்பது பரவி வருகிறது. பல முக்கிய பட நிறுவனங்களும் அப்படிப்பட்ட வெப் தொடர்களைத் தயாரித்து யு டியூபில் வெளியிட்டு வருகின்றன. பல குறும் படங்களையும் தயாரித்து வெளியிட்டு வருகின்றன.

இயக்குனர் கௌதம் மேனனின் யு டியூப் கணக்கான ஒன்றாக என்டர்டெயின்மென்ட்டில் இப்போது வெளியிடப்பட்டுள்ள லட்சுமி என்ற குறும்படம் தற்போது பலத்த சர்ச்சையை ஏற்படுத்தியுள்ளது. கள்ளக் காதலை மையமாக வைத்து எடுக்கப்பட்டுள்ள இந்தப் படத்தில் கணவன், ஒரு பெண் தோழியை வைத்திருப்பதால் அவனது மனைவியும், ஒரு ஆண் நண்பருடன் பழகி, அவருடன் படுக்கையைப் பகிர்ந்து கொள்வது போல படமாக்கப்பட்டுள்ளது.

இந்த குறும்படத்தில் பாரதியாரின் பாடலைப் பயன்படுத்தியிருப்பது தற்போது சமூக வலைத்தளத்தில் கடும் சர்ச்சையை ஏற்படுத்தியுள்ளது. பாரதியார் எப்போது கள்ளக் காதலை ஆதரித்துள்ளார் என்றும் பலர் கேள்வி எழுப்பியுள்ளார்கள்.

கணவன், மனைவியின் அந்தரங்கக் காட்சிகளும் இடம் பெற்றுள்ள அந்தக் குறும்படத்தை பலரும் கடுமையாக விமர்சித்து வருகிறார்கள். இப்படிப்பட்ட குறும்படங்களுக்கு சென்சார் அவசியம் என்றும் பலர் வற்புறுத்தி வருகிறார்கள்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்