தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
கௌரவ் நாராயணன் இயக்கத்தில் உதயநிதி ஸ்டாலின், மஞ்சிமா மோகன், சூரி, டேனியல் பாலாஜி மற்றும் பலர் நடித்துள்ள 'இப்படை வெல்லும்' படத்தின் பத்திரிகையாளர் சந்திப்பு நேற்று நடைபெற்றது. விழாவில் கலந்து கொண்ட சூரி பேசும் போது இயக்குனரின் நடிப்பு ஆசையைப் பற்றியும், அவர் மற்றவர்களை வேலை வாங்கும் விதத்தைப் பற்றியும் பாராட்டுவது போல் கிண்டலடித்துப் பேசினார்.
அதன் பின்னர் பேச வந்த படத்தின் இயக்குனர் கௌரவ் நாராணயன், சூரிக்கு பதிலடி கொடுப்பதாக நினைத்துக் கொண்டு படத்தின் நாயகனான உதயநிதி ஸ்டாலினைப் பற்றி மறைமுகமாகத் தாக்கிப் பேசினார். அவர் பேசும் போது, “உதயநிதி ஸ்டாலின் , சூரி கூட்டணியை முதன் முதலாக உருவாக்கியது நான்தான். அவர்களோடு இசையமைப்பாளர் இமானும் இருந்தால் இருக்கும் என இந்த மூவர் கூட்டணியை முதன் முதலாக உருவாக்கி இப்படத்தை ஆரம்பித்தேன்.
ஆனால், படப்பிடிப்பு ஆரம்பித்த சில நாட்களிலேயே, உதயநிதி ஸ்டாலின் என்னிடம் வந்து சார் நாளை முதல் வேறு ஒரு படப்பிடிப்பில் கலந்து கொள்ள உள்ளேன் என்றார். அப்புறம் பார்த்தால், உதயநிதி ஸ்டாலின், சூரி, இமான் கூட்டணியில் 'சரவணன் இருக்க பயமேன்' படம் ஆரம்பமானது. அதன் பின் சில நாட்கள் கழித்து வந்து மீண்டும் நாளை முதல் வேறொரு படத்தில் கலந்து கொள்ள உள்ளேன். என்றால் மீண்டும் அதே கூட்டணியில் 'பொதுவாக எம்மனசு தங்கம்' படம் ஆரம்பமானது.
எனது படத்தின் படப்பிடிப்பில் வந்து கலந்து கொண்டு, அந்தப் படங்களின் கதாபாத்திரப் பெயர்களை வைத்து கூப்பிட்டு பேசிக் கொண்டிருப்பார்கள். ஒரு நாள் தயாரிப்பாளரிடம் சென்று என்னுடைய படத்தின் படப்பிடிப்பை ஒரு மாதம் தள்ளி வைத்து விடுகிறேன். அதற்குள் உதயநிதி அந்தப் படங்களை முடித்து வரட்டும் என்று சொல்லி படப்பிடிப்பை தள்ளி வைத்தேன். நான் முதலில் ஆரம்பித்து வைத்த உதயநிதி ஸ்டாலின், சூரி, இமான் கூட்டணி எனது படங்களுக்கு முன்பாகவே இரண்டு படங்களில் சேர்ந்துவிட்டது,” என அவருடைய வெறுப்பை வெளிப்படுத்தினார்.