சினிமா முதல் பக்கம் » கோலிவுட் செய்திகள் »

சேவை வரியை எதிர்த்து பிப்.23-ல் போராட்டம்: தமிழ் சினிமாவும் பங்கேற்பு!

Tamil cinema participate on Feb-23 strike சேவை வரி‌யை எதிர்த்து பிப்.23-ம் தேதி இந்திய அளவில் நடக்கும் போராட்டத்தில், தமிழ் சினமாவும் பங்கேற்கும் என்று அறிவிக்கப்பட்டுள்ளது. சமீபத்தில் திரைப்படங்களுக்கான சேவை வரியை மத்திய அரசு விதித்தது. இதற்கு தமிழ் சினிமா, இந்தி சினிமா, தெலுங்கு சினிமா உள்ளிட்ட இந்திய சினிமாக்கள் அனைத்து எதிர்ப்பு தெரிவித்தனர். இதுதொடர்பாக அந்தந்த மாநிலங்களில் உள்ள திரைப்பட சங்கங்கள், இந்த சேவை வரியை அரசு ரத்து செய்ய வேண்டும் என்று கோரிக்கை விடுத்தன. மேலும் மத்திய அரசிடமும் நேரில் மனுக்களும் அளித்தனர். ஆனால் எந்த ஒரு பலனும் இல்லை.

இந்நிலையில் இப்பிரச்னையில் அடுத்த கட்டமாக, ஒரு ‌நாள் ஸ்டிரைக்கில் ஈடுபட முடிவெடுத்துள்ளனர். வருகிற பிப்.23ம் தேதி இந்திய சினிமா பெடரேஷன் சார்பில் இந்த போராட்டத்தில் பங்கேற் அழைப்பு விடுக்கப்பட்டுள்ளது. பாலிவுட், டோலிவுட் என பல்வேறு மாநில சினிமா சங்கங்கள் போராட்டத்தில் கலந்து கொள்ள முடிவு செய்துள்ளனர். இதில் தமிழ் சினிமாவும் பங்கேற்கும் என்று அறிவிக்கப்பட்டுள்ளது. இதனை தயாரிப்பாளர் சங்க தலைவரும், இயக்குநருமான எஸ்.ஏ.சந்திரசேகர் தெரிவித்துள்ளார்.

இந்த போராட்டத்தால் அன்றைய தினம், இந்திய முழுக்க எந்த சினிமா சூட்டிங்கும் நடக்காது என்பது குறிப்பிடத்தக்கது.