Dinamalar

நயன்தாரா, விக்னேஷ் சிவன் பற்றி பரவுவது வதந்தியா ?

நடிகை நயன்தாரா, இயக்குனர் விக்னேஷ் சிவன் இருவரும் ரகசிய திருமணம் செய்து கொண்டுவிட்டதாக ஒரு தகவலும், விரைவில் திருமணம் செய்து கொள்ள உள்ளார்கள் என மற்றொரு தகவலும் கடந்த சில நாட்களாக வலம் வந்து கொண்டிருக்கின்றன. தெலுங்கு, மலையாள ஊடகங்களிலும் இது பற்றிய செய்திகள் வெளியாகி பரபரப்பை ஏற்படுத்தியுள்ளன.

தமிழ்த் திரையுலகத்தில் நயன்தாரா, விக்னேஷ் சிவன் இருவருக்கும் நெருக்கமானவர்களிடம் கேட்டால் அவர்கள் ஏற்கெனவே 'லிவிங் டு கெதர்' ஆக வாழ்ந்து கொண்டிருக்கிறார்கள் என்றும் சொல்வார்கள். இருவரும் சில வருடங்களாகவே ஒரே பிளாட்டில்தான் வசித்து வருகிறார்கள்.

கடந்த இரண்டு வருடங்களாக இருவரது பிறந்த நாளின் போதும், மாலத் தீவுகள், அமெரிக்காவில் அவர்கள் சுற்றுப் பயணம் சென்ற புகைப்படங்களையும் வெளியிட்டுள்ளார்கள். இருவரும் அவர்களது நெருக்கத்தைப் பற்றி இதுவரை மறைத்ததில்லை.

இருந்தாலும் நயன்தாரா தற்போது திருமணம் செய்து கொண்டிருக்க வாய்ப்பில்லை என்றே கோலிவுட்டில் தெரிவிக்கிறார்கள். அவர் தற்போது தமிழில் 'வேலைக்காரன், இமைக்கா நொடிகள், கொலையுதிர் காலம், கோ கோ' ஆகிய படங்களில் நடித்து வருகீறார். தெலுங்கில் 'சை ரா, பாலகிருஷ்ணாவின் அடுத்த படம்' ஆகியவற்றில் நடிக்க ஒப்பந்தம் ஆகியுள்ளார். இவ்வளவு படங்களை கையில் இருக்கும் போது அவர் எப்படி திருமணம் செய்து கொள்வார் என்கிறார்கள்.

ஒரு நடிகைக்கு திருமணம் நடந்த பின் அவருக்கான 'இமேஜ்' குறைந்துவிடும் என்பது நயன்தாராவுக்குத் தெரியாதா என்றும் கேள்வி கேட்கிறார்கள்.

பொதுவாக காதல் வதந்திகள்தான் அதிகம் வரும், இப்போது கல்யாண வதந்திகள் அதிகம் வருகிறது.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்