மே 17ல் வருகிறார் சத்யபாமா | பிளாஷ்பேக் : ஜானகியை காத்த ராமன் | 'மார்க் ஆண்டனி' வெற்றியைத் தக்க வைப்பாரா 'ரத்னம்'? | 'விக்ரம், லியோ, கூலி' - டைட்டில் டீசர் வீடியோ, எது பெஸ்ட்? | 10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் பரஸ்பரம் குற்றச்சாட்டு | ஜன கன மன 2 எப்போது? - இயக்குனர் தகவல் | ஆவேசம் படத்துக்கு சமந்தா பாராட்டு | சிறிய படங்களை நசுக்குகிறதா ரீ-ரிலீஸ் படங்கள்? | சைக்கிளில் சென்று ஓட்டு போட்டது ஏன் : விஷால் | அயோத்தியில் இடம் வாங்கிய அமிதாப்பச்சன் |
திடீர் என்று அரசியல் ஆர்வம் கொண்டு, அரசியல் ரீதியிலான கருத்துக்களை அள்ளி விடுவதில் கில்லாடி நடிகை கஸ்தூரி. அவர், நடிகர் ரஜினிக்கு எதிராக கருத்துச் சொல்லி, ரஜினியின் அரசியல் ஆர்வத்தை குலைக்கும் வகையில் பேசி, ரஜினி ரசிகர்களின் எதிர்ப்பை சமீபத்தில் சந்தித்தார்.
பின், ஒரு சில நாட்களில், நடிகர் ரஜினியை சந்தித்துப் பேசினார். ரஜினியின் அரசியல் ஆர்வம் தமிழகத்துக்குத் தேவையானது; அவர் தீவிர அரசியலில் ஈடுபட வேண்டும் என்று கருத்துச் சொன்னார்.
நடிகர் கமல் எப்படி டுவிட்டர் மூலம் அரசியல் கருத்துக்களை அள்ளி விட்டுக் கொண்டிருக்கிறாரோ, அதேபோல, நடிகை கஸ்தூரியும் டுவிட்டர் மற்றும் சமூக வலைதளங்கள் மூலமாக அரசியல் கருத்துக்களை தெரிவிப்பதில் முன்னோடியாக இருந்து வருகிறார். அவரை, தி.மு.க.,வுக்கு ஆதரவாக கொண்டு வர வேண்டும்; நடிகர்கள் ரஜினி, கமல் மற்றும் விஜய் ஆகியோர் அரசியலுக்கு வரும் பட்சத்தில் அவரை, தி.மு.க.,வுக்கு ஆதரவாக தீவிர பிரசாரத்தில் ஈடுபட வைக்க வேண்டும் என்ற எண்ணம், அக்கட்சியின் மேல்மட்டத்தில் இருப்பவர்களுக்கு ஏற்பட்டிருக்கிறது.
இதையடுத்து, தி.மு.க., தரப்பில் நடிகை கஸ்தூரியை ரகசியமாக அக்கட்சியின் சில பிரமுகர்கள் சந்தித்துப் பேசியதாகக் கூறப்படுகிறது. முதலில் அக்கட்சியில் தன்னை அடையாளப்படுத்திக் கொள்ள தயக்கம் காட்டிப் பேசிய கஸ்தூரி, பின், அதற்கு ஒப்புக் கொண்டதாகத் தெரிகிறது. அடுத்தடுத்த கட்டங்களிலும் பேச்சுவார்த்தை நடந்து முடிந்தால், நடிகை கஸ்தூரி, தி.மு.க.,வுக்கு ஆதரவாக மேடைகளில் தீவிரமாக முழங்கக்கூடும் என, அக்கட்சியின் முன்னணி பிரமுகர் ஒருவர் கூறினார்.
கடந்த காலங்களில் சட்டசபை மற்றும் பார்லிமெண்ட் தேர்தல்களில், தி.மு.க.,வுக்கு ஆதராக நடிகை குஷ்பு எப்படி பிரசார பீரங்கியாக களத்தில் செயல்பட்டாரோ, அதேப்போல, தற்போது நடிகை கஸ்தூரியை பயன்படுத்திக் கொள்ள தி.மு.க,, தரப்பு திட்டமிடுகிறது.