Dinamalar

யு டியூபில் இலவசமாக 'பாகுபலி 2'

இந்தியாவில் அதிக வசூலைக் குவித்துள்ள படம் என்ற பெருமையைப் பெற்ற 'பாகுபலி 2' படத்தில் டிஜிட்டல் ஒளிபரப்பு உரிமை 'நெட்பிளிக்ஸ்' நிறுவனத்திற்கு சமார் 25 கோடி ரூபாய்க்கு விற்கப்பட்டதாக சில மாதங்களுக்கு முன்பு தகவல்கள் வெளியாகின.

ஆனால், 'பாகுபலி 2' படத்தின் தெலுங்கு மொழிப் படம் யு டியூபில் கடந்த வாரம் வெளியிடப்பட்டுள்ளது. அதை எந்தக் கட்டணமும் இன்றி இலவசமாகப் பார்க்கலாம். இந்த ஒரு வாரத்தில் அந்தப் படத்திற்கு 1 கோடியே 20 லட்சத்திற்கும் அதிகமான பார்வைகள் கிடைத்துள்ளது.

தெலுங்கில் வெளியான 'பாகுபலி 2' யு டியூபில் இலவசமாகப் பார்க்க வைக்கப்பட்டுள்ளது. அதே சமயம், தமிழ், ஹிந்தி, மலையாளம் ஆகியவற்றை 'நெட்பிளிக்ஸ்' இணையதளத்தில் கட்டணம் செலுத்தினால் மட்டுமே பார்க்க முடியும். தெலுங்குத் திரையுலகத்திற்குப் பெருமை சேர்த்த படம் 'பாகுபலி 2' என்பதால் அதை தெலுங்கு ரசிகர்களுக்காக யு டியூபில் இலவசமாகப் பார்க்கும் வசதியை தயாரிப்பாளர்கள் ஏற்படுத்திக் கொடுத்துள்ளார்கள் என்று சொல்லப்படுகிறது.

தெலுங்கு அல்லாத மற்ற மூன்று மொழிப் படங்களின் டிஜிட்டல் உரிமை 25 கோடிக்கு விற்கப்பட்டது என்றால் அது மிகப் பெரிய விலை என டோலிவுட் வட்டாரங்கள் தெரிவிக்கின்றன. சமீப காலமாக சாட்டிலைட் உரிமைகளை விட டிஜிட்டல் உரிமைகள் நல்ல விலைக்கு விற்கப்படுவதாகத் தயாரிப்பாளர்கள் தெரிவிக்கிறார்கள். அதனால் தான், தமிழ்த் திரைப்படத் தயாரிப்பாளர்கள் சங்கமும் டிஜிட்டல் உரிமைகளை விற்க ஆலோசனை வழங்கி வருகிறார்கள் என்பது குறிப்பிடத்தக்கது.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்