தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
ரஜினிகாந்த், அஜித், விஜய் நடிக்கும் படங்கள் வெளிவந்த மறுநாளே படத்தின் முதல் நாள் வசூல் எவ்வளவு என்று ஒரு தகவல் பரவி விடும். ஒவ்வொருவரும் இத்தனை கோடி, அத்தனை கோடி என்று அதிகாரப்பூர்வமில்லாத ஒரு எண்ணிக்கையைச் சொல்வார்கள். இருந்தாலும் திரையுலகத்தில் உள்ள சிலர் ஒரு கணக்கை வைத்து இவ்வளவு வசூலாகும் என்று ஒரு தோராய கணக்கைச் சொல்வார்கள்.
முதல் நாளில் டிக்கெட் முன்பதிவு செய்யப்பட்ட கணக்கும், விற்கப்பட்ட டிக்கெட்டுகளின் கணக்கும் சேர்ந்து ஒரு வசூல் தொகையைக் கொடுக்கும் இதுதான் வசூலை, அப்படி இப்படி கணக்கிடும் முறை. அதிகாரப்பூர்வமாக தமிழ் சினிமாவில் இதுவரை யாரும் இத்தனை கோடி வசூலித்தது என்று சொல்ல மாட்டார்கள், சொல்லவும் மாட்டார்கள்.
நாம் பட வெளியீட்டிற்கு முன்பே சொன்ன ஒரு தோராய கணக்குக்கு நெருக்கமாக இப்போது முதல் நாள் வசூல் இருப்பதாகத் தெரிகிறது. தமிழ்நாட்டில் மட்டும் முதல் நாளில் சுமார் 25 கோடி வசூலித்துள்ளது என்கிறார்கள். கேரளாவில் மலையாளப் படங்கள் வசூலித்ததை விட 'மெர்சல்' சுமார் 6 கோடி வரை வசூலித்திருக்கிறது என்ற தகவலும் வெளியாகியுள்ளது. கர்நாடகா மற்றும் இதர மாநிலங்களில் சுமார் 5 கோடி ரூபாயும், வெளிநாடுகளில் 12 கோடி ரூபாய் வரையிலும் வசூலித்ததாக தகவல் வெளிவந்துள்ளது. ஆக, முதல் நாளில் மொத்தமாக 48 கோடி வரை வசூலித்துள்ளதாக கணக்கு சொல்கிறார்கள்.
அது மட்டுமல்ல, 'மெர்சல்' படம் சில முதல் நாள் சாதனைகளையும் படைத்துள்ளதாம். கேரளாவில் அதிக வசூலைப் பெற்ற முதல் படம், சென்னையில் அதிக வசூலைப் பெற்ற முதல் படம், இங்கிலாந்தில் அதிக வசூலைப் பெற்ற முதல் தமிழ்ப் படம், பிரான்ஸ் நாட்டில் முதல் நாளில் அதிகம் பேர் பார்த்த தமிழ்ப் படம், அமெரிக்காவில் வார நாட்களில் வெளியாகி அதிக வசூலைப் பெற்ற முதல் தமிழ்ப் படம், விஜய்க்கு இந்தியாவில் அதிக முதல் நாள் வசூலைப் பெற்றுத் தந்த முதல் படம் என சில 'முதல்' விஷயங்களைப் பட்டியலிடுகிறார்கள்.