டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
'மெர்சல்' படம் தான் வெளிவந்து விட்டதே இன்னும் என்ன பட டீசரின் சாதனை பற்றிய தகவல் என்று கேட்பது புரிகிறது. படம் வெளியாவதற்கு ஒரு நாள் முன்பு வரை 2 கோடியே 93 லட்சம் பார்வைகள் மட்டுமே 'மெர்சல்' டீசருக்கு இருந்தது. ஆனால், படம் வெளியான தினத்தில் ஒரேயடியாக 13 லட்சம் பார்வைகளைக் கடக்கிறது என்றால் சும்மாவா. தற்போது வரை 3 கோடியே 6 லட்சம் பார்வைகைளைப் பெற்றிருக்கிறது 'மெர்சல்' டீசர்.
'மெர்சல்' படத்தின் டிரைலர் வெளிவரும் என்று விஜய் ரசிகர்கள் ஆவலுடன் காத்திருந்தார்கள். ஆனாலும், அவர்களது எதிர்பார்ப்புக்கேற்ப டிரைலர் வரவில்லை என்றாலும் படம் அமைந்துவிட்டதால் அவர்கள் திரும்பத் திரும்ப டீசரைப் பார்த்து அதன் பார்வை எண்ணிக்கைகளை உயர்த்தியிருப்பார்கள் போலிருக்கிறது.
10 லட்சம் லைக்குகள் 3 கோடி பார்வைகளைப் பெற்று 'மெர்சல்' டீசர் யு டியூபில் தனி இடத்தைப் பிடித்துள்ளது. லைக்குகள் கணக்கில் உலக சாதனை படைத்து முதலிடத்தில் இருக்கிறது. இருந்தாலும் பார்வைகளின் எண்ணிக்கையில் ரஜினிகாந்தின் 'கபாலி' டீசர் சாதனையை முறியடிக்க இன்னும் 38 லட்சம் பார்வைகள் கிடைக்க வேண்டியிருக்கிறது. அதையும் கடக்க முடியும் என்பது விஜய் ரசிகர்களின் கையில் தான் உள்ளது. '2.0' படத்தின் டீசர் வருவதற்குள் அந்த சாதனை நடக்குமா என்பதுதான் கேள்வி.