Dinamalar

சர்ச்சை விமர்சகரின் டுவிட்டர் கணக்கு சஸ்பென்ட்

சமீப காலமாக டுவிட்டர் போன்ற சமூக வலைத்தளங்களில் ஒரு கணக்கை ஆரம்பித்து பல குறுக்கு வழிகளில் தங்களுக்கென அதிகமான தொடர்பாளர்களைச் சேர்த்துக் கொண்டு சினிமாவையும், திரையுலகத்தைச் சேர்ந்தவர்களையும் கண்டபடி விமர்சிப்பது என்பது வழக்கமாகிவிட்டது. தங்களைப் பற்றி விமர்சிக்காமல் இருக்க சிலர் அப்படிப்பட்டவர்களுக்கு பணம் கொடுக்கிறார்கள் என்ற சர்ச்சையும் எழுந்துள்ளது.

ஹிந்தித் திரையுலகத்தில் கமால் ஆர் கான் என்பவர் தன்னை விமர்சகராகவும், சினிமா வியாபாரப் புள்ளியாகவும் சொல்லிக் கொண்டு திரைக்கு வரும் படங்களைப் பற்றி தாறுமாறாக விமர்சிப்பதையும், முன்னணி நடிகர்களைப் பற்றி தரக்குறைவாகக் குறிப்பிடுவதையும் வழக்கமாகக் கொண்டிருந்தார். எந்த ஒரு முன்னணி நடிகரையும் அவர் விட்டு வைத்ததில்லை.

ரஜினிகாந்த் உட்பட பலரையும் கிண்டலடித்திருக்கிறார். அவருடைய டுவிட்டர் பதிவுகளைப் பற்றி பலரும் டுவிட்டர் நிறுவனத்திற்கு புகார் அளித்து வந்தனர். இந்த நிலையில் நேற்று அவருடைய டுவிட்டர் கணக்கை டுவிட்டர் நிறுவனம் சஸ்பென்ட் செய்துவிட்டது. அதே சமயம் கமால் ஆர் கான் யு டியூபில் விமர்சனம் செய்வதை நிறுத்த மாட்டார் என்றும் அவரது தரப்பினர் தெரிவித்துள்ளார்கள்.

தமிழிலும் இது போன்று பலர் செயல்பட்டு வருகிறார்கள், அவர்கள் மீதும் தமிழ்த் திரையுலகத்தினர் கடும் கோபத்தில் உள்ளனர் என்பது குறிப்பிடத்தக்கது.

• 
  ரச்சிதா பிறந்தநாளில் வெளியான ‛பயர்' முன்னோட்ட வீடியோ
• 
  மே 3ல் ரிலீஸாகும் ‛குரங்கு பெடல்'
• 
  அஜித்துக்காக உருவாக்கப்பட்ட டைட்டிலில் அருண் விஜய்
• 
  பவன் கல்யாண் எத்தனை கார்கள் வைத்திருக்கிறார் தெரியுமா ?
• 
  இயக்குனர் சேரனின் மூத்த மகளுக்கு திருமணம்

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...