Dinamalar

சென்னை, ஐதராபாத்தில் சமந்தா திருமண வரவேற்பு?

நடிகை சமந்தா, நடிகர் நாக சைதன்யா இருவருக்கும் கடந்த வாரம் கோவாவில் திருமணம் நடைபெற்றது. இருதரப்பினரின் நெருங்கிய உறவினர்கள், நண்பர்கள் என சுமார் 100 பேர் மட்டுமே அந்த திருமண வைபவத்தில் கலந்து கொண்டனர். இந்து, கிறிஸ்துவ முறைப்படி திருமணம் நடைபெற்றது. அதன்பின் மணமக்கள் ஐதராபாத்தில் உள்ள நாகார்ஜுனா வீட்டிற்குச் சென்றதாகத் தகவல்.

சமந்தா, நாகசைதன்யா இருவருமே தெலுங்குத் திரையுலகத்தில் பிரபலமானவர்கள், நாகசைதன்யாவின் அப்பா நாகார்ஜுனா, அவருடைய தாத்தா மறைந்த நாகேஸ்வரராவ் ஆகியோர் தெலுங்குத் திரையுலகத்தின் முக்கிய புள்ளிகள். அவர்களது 'அக்கினேனி' குடும்பத்திற்கு தெலுங்குத் திரையுலகில் தனிப் பெயர் உண்டு. ஆனாலும், நாகார்ஜுனா அவருடைய மகன் நாகசைதன்யாவின் திருமண வரவேற்பை இன்னும் நடத்தவில்லை என தெலுங்குத் திரையுலகத்தில் ஒரு பேச்சு எழுந்துள்ளது.

நாகசைதன்யாவின் அம்மா லட்சுமி, கணவர் நாகார்ஜுனாவை விவகாரத்து செய்தவர், வேறு ஒருவரைத் திருமணம் செய்து கொண்டு சென்னையில் வசித்து வருகிறார். தன் மகன் நாகசைதன்யாவின் திருமண வரவேற்பை அவர் சென்னையில் நடத்த உள்ளதாக ஒரு தகவல் வெளியாகியுள்ளது. லட்சுமி, பிரபல தெலுங்கு படத் தயாரிப்பாளர் ராமா நாயுடுவின் மகளும், நடிகர் வெங்கடேஷின் சகோதரியும் ஆவார்.

இந்த திருமண வரவேற்பில் லட்சுமி குடும்பத்தினரும், நெருங்கிய நண்பர்களும் கலந்து கொள்கிறார்களாம். சென்னையில் இந்த திருமண வரவேற்பு முடிந்த பிறகே நாகார்ஜுனா ஐதராபாத்தில் நாகசைதன்யா - சமந்தா திருமண வரவேற்பை நடத்த உள்ளாராம். இந்த மாதத்திற்குள் சென்னை, ஐதராபாத்தில் திருமண வரவேற்பு நடக்கும் எனத் தெரிகிறது.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்