Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » நட்சத்திரங்களின் பேட்டி »

எந்த வெற்றியும் எளிதாக கிடைத்தது இல்லை : அட்லி மெர்சல்

13 அக், 2017 - 00:15 IST
எழுத்தின் அளவு:
Atlee-shares-his-Mersal-and-cinema-experience

ராஜா ராணி, தெறி, மெர்சல் என, இயக்குனர் அட்லியின், கிராப் கோடம்பாக்கத்தில் உயர உயர பறக்கிறது. தீபாவளிக்கு வெளி வர உள்ள மெர்சல் படம் பற்றி, அவர், நமக்கு அளித்த பேட்டி:

மெர்சல் படம் பற்றி?
படம் முழுக்க ஒரு மிரட்சி இருக்கும். நம்ம வாழ்க்கை முறை, சமூக விஷயங்கள், நம்ம கடமை எல்லாமுமே இருக்கும். இரண்டே முக்கால் மணி நேரம், ரசிகர்களுக்கு பெரிய தீபாவளி, ட்ரீட் ஆக இந்த படம் இருக்கும்.

இரண்டாவது முறையாக விஜயை இயக்குவது பற்றி...?
விஜய் அண்ணாவை எனக்கு ரொம்ப பிடிக்கும். இதுவரை பார்க்காத விஜயை, இந்த படத்தில் பார்க்கலாம். மக்களும், ரசிகர்களும், விஜயிடம் என்னவெல்லாம் எதிர்பார்க்கின்றரோ, அந்த விஷயமெல்லாம் இந்த படத்தில் இருக்கும்.

மெர்சல் படம் எதைப் பற்றி?
சிலர், இதை ஜல்லிக்கட்டு படம் என்கின்றனர்; அப்படியெல்லாம் எதுவுமில்லை. தினமும், நாம் சந்திக்கும் பிரச்னைகளை மையமாக வைத்துத்தான் இந்த படத்தை தயாரித்துள்ளோம். தமிழனோட அடையாளமாக இந்த படம் இருக்கும்.

படத்தில் விஜய் மூன்று வேடங்களில் நடிக்கிறாரா?
தந்தை, மகன் ரோலில் நடிக்கிறார் என்பதை உறுதியாக சொல்ல முடியும். மற்றபடி, மூன்றாவது ரோல் என்பது சஸ்பென்ஸ்.

படத்தில் மூன்று ஹீரோயின்கள் ஏன்?
அப்பா விஜய் பேர், படத்தில் தளபதி; ஊர் பெரியவராக நடிக்கும் அவருக்கு ஜோடி நித்யா மேனன்; அப்புறம் காஜல், சமந்தா படத்தில் இருக்காங்க. சமந்தாவும், நயன்தாராவும் எனக்கு பிடித்த ஹீரோயின்கள். சமந்தா, இந்த படத்தில் புதிதாக ஒரு ரோலில் நடித்துள்ளார். வெளிநாடுகள் சம்பந்தப்பட்ட காட்சிகளில் காஜல் நடித்துள்ளார்.

ஏ.ஆர்.ரஹ்மான் உடன் பணியாற்றிய அனுபவம் பற்றி?
கணிதன் இசை வெளியீட்டு விழாவில் தான் ரஹ்மானை சந்தித்தேன். என்னைபற்றி பேசியது ஆச்சர்யமாக இருந்தது. மெர்சல் பற்றி சொன்னேன், அவரும் கதையை கேட்டு விட்டு பண்ணலாம் என்றார். பிப்ரவரியில் ஷூட்டிங் போகனும் என்றார். ஏப்ரல் - மே மாதம் பாடல்கள் தரேன் என்றார். என் வாழ்நாளில் மறக்க முடியாத அனுபவம் ரஹ்மானிடம் இணைந்து பணியாற்றியது.

இந்த படத்துக்கு சம்பளம் அதிகம் வாங்கியதாக கூறப்படுவது பற்றி...?
நான் யாரிடமும் சம்பளம் பற்றி பேசுவதில்லை; கேட்பதில்லை. எனக்கு என்ன தகுதி இருக்கு என நினைத்து, தயாரிப்பாளர்கள் என்ன கொடுக்கின்றனரோ, அதை வாங்கிக் கொள்வேன்.

இந்த படத்தில், விஜய் மேஜிக் பண்றாரா?
படம் முழுக்க மேஜிக் பண்றார். இதற்காக முறைப்படி மேஜிக் கற்றுக்கொண்டார். பல காட்சிகளை,டூப் இல்லாமல் எடுத்திருக்கிறோம்.

உங்கள் வளர்ச்சி பற்றி...?
எதுவுமே, எனக்கு எளிதாக கிடைத்து விடவில்லை. எட்டு ஆண்டுகள், உதவி இயக்குனராக இருந்தேன். அதற்கு முன், சினிமா பற்றி படித்தேன்; அப்புறம், குறும்படங்கள் எடுத்து, தேசிய விருது பெற்றேன். விஜய் கால்ஷீட்டுக்காக, ஒன்றரை ஆண்டு காத்திருந்தேன். என் வளர்ச்சி எல்லாமே, ஒரே நாளில் சாத்தியமாகவில்லை; படிப்படியாக கிடைத்தது தான்.

ஆளப் போறான் தமிழன் என, படத்தில் பாட்டு வைத்தது, அரசியலை குறிவைத்தா?
விஜய் அரசியலுக்கு வர வேண்டும் என, பலரும் ஆசைப்படுகின்றனர். ஆனால், அவர் தான், இந்த விஷயத்தில் முடிவு எடுக்க வேண்டும். இந்த படத்தில், ஆளுமையான ஒரு பாடல் தேவைப்பட்டது. அதனால் தான், இந்த பாட்டு இடம் பெற்றுள்ளது.

ராஜஸ்தானில் படப்பிடிப்பு நடத்திய அனுபவம்?
படத்தில் சின்ன மல்யுத்தம் காட்டி இருக்கோம். ராஜஸ்தானில் 3 ஆயிரம் பேரை வைத்து கொளுத்தும் வெயிலில் நடத்தினோம். இப்படி யாரும் பண்ண மாட்டாங்க என்று நினைக்கிறேன்.

தலைப்பு பிரச்னை, ஜிஎஸ்டி என மெர்சல் நிறைய பிரச்னைகளை சந்திப்பது பற்றி?
இந்த படம் தொடங்கியதில் இருந்தே பல பிரச்னைகள் இருந்தது. சில நேரம் பயமும் கொடுத்திருக்கு, ஆனால் அதுவே சரியாகவிடும். இப்போது நான் என் வேலையை பார்த்துகொண்டு இருக்கிறேன். எல்லாம் பிரச்னையும் சரியாகிவிடும் என்ற நம்பிக்கை உள்ளது.

விஜய் ரசிகர்களுக்கு மெர்சல் என்ன ஸ்பெஷல்?
விஜய் ரசிகர்களுக்கும், எனக்கும் தளபதி கேரக்டர் ரொம்ப பிடிக்கும். திரையில் படம் பார்க்கும்போது அவ்வளவு ரசிப்பார்கள். ஆளப்போறான் தமிழன் பாட்டு செம்மையா இருக்கும். அதன்பிறகு ஒரு மேஜிக் ஷோ பிரம்பிப்பாக இருக்கும். குறிப்பாக இடைவேளை காட்சி மிரட்டலாக இருக்கும்.

நீங்க தயாரிக்கும் படங்கள் பற்றி?
சங்கிலி புங்கிலி கதவ தொற படத்துக்கு பிறகு நிவின் பாலி, சாய் பல்லவியை வைத்து ஒரு படம் தயாரிக்கிறேன். என் உதவியாளர் சூர்யா இயக்குகிறார். அடுத்து அசோக் இயக்கத்தில், ஜெய் நடிப்பில் ஒரு படம் பண்ணேன். என்னால் பாகுபலி மாதிரி பெரிய பட்ஜெட் படங்கள் எல்லாம் எடுக்க முடியாது. திறமையான என உதவியாளர்களை கண்டுபிடித்து சிறிய அளவில் படம் தயாரிக்கிறேன்.

அடுத்து உங்க, டார்கெட் ஹீரோ யாரு?
விஜயுடன் மீண்டும் ஒரு படம் பண்ண வேண்டும்; அதற்கு பின், ரஜினியை இயக்க வேண்டும். அதற்கு பின், பாலிவுட்டிலும் சில படங்களை இயக்க வேண்டும்.

Advertisement
ரஜினி அரசியலுக்கு வருவதில் என்ன தப்பு?: பாபி சிம்ஹாரஜினி அரசியலுக்கு வருவதில் என்ன ... என் நடிப்பு சிலருக்கு பிடிக்காததால் கலாய்க்கிறாங்க! :கீர்த்தி சுரேஷ் என் நடிப்பு சிலருக்கு பிடிக்காததால் ...


வாசகர் கருத்து (8)

PANDEESWARAN R. - Rajapalayam,இந்தியா
16 அக், 2017 - 11:17 Report Abuse
PANDEESWARAN R. தளபதி என்ற ஒற்றை மனிதனை பிடிக்கவில்லை என்பதற்க்காக, ஊடகமும், மற்றவர்களும் ஒரு படைப்பை கொச்சை படுத்தாதீர். கத்தி படத்தில் உள்ள கதை கருவை எடுத்து கொள்ளாமல், விஜய் னா கோக் விளம்பரத்தில் நடித்ததையே சுட்டி கட்டி திரிந்த கூட்டம். இன்று அந்த படத்தில் காட்டியது போல கதிரமங்கலத்தை இழக்க தயாராகிவிட்டோம். இந்த படத்திலும் கார்பொரேட் எதிராக இருக்கும் என்பதில் ஐயமில்லை அதை நீங்கள் எவரும் ஏற்று கொள்ள போவதில்லை. hmmm.
Rate this:
PANDEESWARAN R. - Rajapalayam,இந்தியா
16 அக், 2017 - 11:11 Report Abuse
PANDEESWARAN R. பிரம்மாண்ட படமான எந்திரன் இதில் கிங் காங்க் படத்தின் தழுவல் உள்ளது இதை எவரும் சொல்வதில்லை இப்படி எண்ணற்ற படங்கள் உள்ளது. ஒரு மனிதனை பிடிக்க வில்லை எனில் ஒதுங்கி கொள்ளுங்கள்
Rate this:
meenakshisundaram - bangalore,இந்தியா
15 அக், 2017 - 05:27 Report Abuse
meenakshisundaram உண்மைதான்.copy பண்ணி படம் எடுப்பது கூட ரொம்ப கஷ்டமே.
Rate this:
Vaal Payyan - Chennai,இந்தியா
14 அக், 2017 - 12:36 Report Abuse
Vaal Payyan எங்கள் கணிப்பு படி மெர்சல் அபூர்வ சகோதரர்கள் கதை போல் இருக்கும் ... அப்பாவை கொன்றவர்களை மகன் பழி வாங்குவது பாக்கலாம் மெர்சல் மெரட்டுதா இல்லை இருட்டுதா என்று
Rate this:
KayD - Mississauga,கனடா
14 அக், 2017 - 00:39 Report Abuse
KayD இவளவு பேசற alavauku ivar onnum peria allu illai.. ivaroda jamba vaangal summa amuki vaasichittu irukum podhu indha thavalai matttum ha paambuku kathikittu iruku. Theriy very below average movie thaan. Raja Rani was a pretty decent movie.
Rate this:
மேலும் 3 கருத்துக்கள்...

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Devil Night Dawn of the Nain Rouge
    Tamil New Film Oru Kathai Sollatuma
    Tamil New Film Billa Pandi
    • பில்லா பாண்டி
    • நடிகர் : ஆர் கே சுரேஷ்
    • நடிகை : சாந்தினி
    • இயக்குனர் :சரவண சக்தி
    Tamil New Film Velaikkaran
    • வேலைக்காரன்
    • நடிகர் : சிவகார்த்திகேயன்
    • நடிகை : நயன்தாரா
    • இயக்குனர் :ஜெயம் ராஜா

    Tweets @dinamalarcinema

    Advertisement
    Copyright © 2017 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in