டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழில் 'காதல் சொல்ல வந்தேன்' படத்தில் அறிமுகமான மேக்னா ராஜ், கன்னடத்துக்காரர் என்றாலும் அவரை வளர்த்துவிட்டது எல்லாம் மலையாள சினிமா தான். சில வருடங்களில் தமிழ், மலையாளம் இரண்டும் தன்னை கைவிட்டுவிட்ட நிலையில் தனது சொந்த ஊரான கன்னட திரையுலகில் தஞ்சம் புகுந்தார்.
அப்படியே கன்னடத்தில் வளர்ந்து வரும் நடிகரான சிரஞ்சீவி சார்ஜாவுடன் 'ஆட்டகரா' என்கிற படத்தில் ஜோடியாக நடித்தபோது இருவருக்குள்ளும் காதல் துளிர்விட்டது. இதுபற்றிய செய்திகள் வெளியானாலும் இருவரும் அதை வழக்கம்போல மறுக்கவே செய்தார்கள்..
இந்த நிலையில் இவர்களது காதல் இப்போது திருமணத்தில் முடிவதற்கான காலம் கனிந்துவிட்டதாக தெரியவந்துள்ளது. வரும் அக்-22ஆம் தேதி இவர்களது திருமண நிச்சயதார்த்தம் நடைபெற இருக்கிறதாம். அதை தொடர்ந்து டிசம்பரில் திருமணம் நடைபெற உள்ளதாம்.
இதுவரை தங்களது காதலை பகிரங்கப்படுத்தாத சிரஞ்சீவி சார்ஜா, தனது பிறந்தநாளான வரும் அக்-17ல் காதலையும் திருமண நிச்சயதார்த்த விஷயத்தையும் அதிகாரப்பூர்வமாக அறிவிப்பார் என்றும் சொல்லப்படுகிறது. தற்போது மேகனா ராஜ் மலையாளத்தில் மூன்று, கன்னடத்தில் ஒன்று என நான்கு படங்களில் நடித்து வருகிறார்.