இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
பாலிவுட் நடிகர் ஹிருத்திக் ரோஷன் - நடிகை கங்கனா ரனாவத் இடையேயான மோதல் நாளுக்கு நாள் அதிகரித்து வருகிறது. ஹிருத்திக் தன்னை காதலித்து ஏமாற்றி விட்டதாக கங்கனா கூறி வந்தார். தற்போது கங்கனாவின் நிர்வாண படங்களை ஹிருத்திக் தான் வெளியிட்டிருப்பதாக கங்கனாவின் சகோதரி குற்றம்சாட்டி உள்ளார். ஆனால் கங்கனாவுடன் தனக்கு எந்த உறவும் இல்லை என ஹிருத்திக் தொடர்ந்து தெரிவித்து வருகிறார்.
இந்நிலையில் தனியார் ஆங்கில டிவி சேனல் ஒன்றிற்கு ஹிருத்திக் அளித்த பேட்டியில், 2012ம் ஆண்டு ஜோர்டானில் படப்பிடிப்பை முடித்துவிட்டு தான் தனது அறையில் வந்து தங்கியிருந்ததாக கூறினார். நள்ளிரவில் தனது கதவு மிக வேகமாக தட்டப்படுவதை அறிந்து எழுந்து வந்து பார்த்த போது நடிகை கங்கனா ரனாவத் முழு போதையில் சுய நினைவு இன்றி தள்ளாடிக் கொண்டிருந்ததாக ஹிருத்திக் கூறியுள்ளார்.
பின்னர் கங்கனாவின் சகோதரியை அழைத்து நிலைமையை எடுத்துக் கூறியதாகவும், அவர் வந்து கங்கனாவை அழைத்துச் சென்றதாகவும் ஹிருத்திக் தெரிவித்துள்ளார். திரைப்படங்களில் நடித்த போது சக நடிகை என்பதை தவிர்த்து கங்கனாவுடன் வேறு எந்த உறவும் தனக்கு இல்லை என்று திட்டவட்டமாக ஹிருத்திக் தெரிவித்துள்ளார். ஆனால் கங்கனா தான் ஏதோ ஒன்றை கற்பனை செய்து கொண்டு தனக்கு தொடர்ந்து இமெயில்கள் அனுப்பி தொந்தரவு செய்ததாகவும் அவர் கூறியுள்ளார்.