'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
மோகன்லால் நடிப்பில் உருவாகியுள்ள 'வில்லன்' படம் இந்த மாதம் ரிலீசாகவுள்ளது. அதை தொடர்ந்து தற்போது தான் நடித்து வரும் 'ஒடியன்' படத்தின் படப்பிடிப்பில் பிஸியாக இருக்கிறார் மோகன்லால். விளம்பரப்பட இயக்குனரான ஸ்ரீகுமார் மேனன் இயக்கத்தில் உருவாகி வரும் இந்தப்படம் பிளாக் மேஜிக் பின்னணியில் உருவாகி வருகிறது. இந்த ஸ்ரீகுமார் மேனன் பல விளம்பரப்படங்களை இயக்கிய அனுபவம் கொண்டிருந்தாலும் சினிமாவை பொறுத்தவரை ஒரு அறிமுக இயக்குனர் தான்.
இந்தநிலையில் தனது அடுத்த படம் குறித்த அதிகாரப்பூர்வமான அறிவிப்பை மோகன்லாலே வெளியிட்டுள்ளார். ஆச்சர்யமாக இந்தப்படத்தை இயக்கும் வாய்ப்பையும் ஒரு அறிமுக இயக்குனருக்கே கொடுத்துள்ளார் மோகன்லால். அஜய் வர்மா என்பவர் இயக்கம் இந்த படத்துக்கு சஜூ தாமஸ் என்பவர் கதை எழுதியுள்ளார், இன்னொரு ஆச்சர்யமாக இந்தப்படத்தை மோகன்லாலின் ஆசீர்வாத் சினிமாஸ் நிறுவனம் தயாரிக்காமல், மூன்ஷாட் என்டர்டெய்ன்மென்ட் என்கிற புதிய நிறுவனம் தயாரிக்கிறது..
மோகன்லாலின் புதிய படத்தை சில முன்னணி இயக்குனர்கள் இயக்குவார்கள் என சொல்லப்பட்டு வந்த நிலையில், எந்தவித க்ளூவுமே இதுவரை கசியவிடாமல், ஒரு அறிமுக இயக்குனருக்கு வாய்ப்பளித்துள்ளது மோகன்லால் ரசிகர்களிடையேயும் திரையுலகத்தினரிடமும் ஆச்சர்யத்தை ஏற்படுத்தியுள்ளது.