Dinamalar

ஆப்தமித்ரா 2ம் பாகம் தயாராகிறது

மலையாளத்தில் வெளிவந்த மணிசித்ரதாழ் படத்தைத்தான் இயக்குனர் பி.வாசு தமிழில் சந்திரமுகியாகவும், கன்னடத்தில் ஆப்த மித்ராவாகவும் இயக்கினார். இரண்டுமே வெள்ளி விழா படங்களாக அமைந்தது. மலையாளத்தில் மோகன்லால் நடித்த கேரக்டரில் தமிழில் ரஜினியும், கன்னடத்தில் விஷ்ணுவர்த்தனும் நடித்தனர். மலையாளத்தில் ஷோபனா நடித்த கேரக்டரில் தமிழில் ஜோதிகாவும், கன்னடத்தில் சவுந்தர்யாவும் நடித்தனர்.

அதன் பிறகு பி.வாசு ஆப்தரட்ஷகா என்ற படத்தை கன்னடத்தில் இயக்கினார். இது ஆப்தமித்ரா சாயல் கொண்ட படம். ஆனால் அதன் தொடர்ச்சி அல்ல. இதிலும் விஷ்ணுவர்த்தன், விமலா ராமன், சந்தியா நடித்தனர். இதுவும் வெற்றி பெற்றது.

இயக்குனர் பி.வாசு சந்திரமுகியின் இரண்டாம் பாகத்தை இயக்கும் முயற்சியில் இறங்கி அதற்கான ஸ்கிரிப்ட்டும் எழுதினார். ஆனால் ரஜினி சைடிலிருந்து கிரீன் சிக்னல் கிடைக்காததால் இப்போது ஆப்த மித்ராவின் இரண்டாம் பாகத்தை கன்னடத்தில் எடுக்க முடிவு செய்துள்ளார். இதில் விஷ்ணுவர்த்தன் கேரக்டரில் ரவிசந்திரன் நடிக்கலாம் என்று தெரிகிறது. மற்ற நடிகர் நடிகைகள் தேர்வு நடந்து வருகிறது. அக்டோபர் மாதம் படப்பிடிப்பு தொடங்குகிறது.

ஆப்தமித்ரா 2 கன்னடத்தில் வெற்றி பெற்றால் சந்திரமுகி இரண்டாம் பாகத்துக்கு ரஜினி சைடிலிருந்து கிரீன் சிக்னல் கிடைக்கும் என்ற பி.வாசு எதிர்பார்க்கிறார்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...
• 
  ஜன கன மன 2 எப்போது? - இயக்குனர் தகவல்
• 
  25 நாட்களில் 150 கோடி வசூலித்த ஆடுஜீவிதம்
• 
  பிரபல இயக்குனரின் வீட்டில் திருடப்பட்ட நகைகள் ஒரேநாளில் மீட்பு
• 
  'எல்360' படப்பிடிப்பு ஆரம்பம்