வீர தீர சூரன் - 'டிராப்' ஆன படத்தின் பெயரில் 'விக்ரம் 62' | 'புஷ்பா 2' - ஹிந்தி உரிமை இவ்வளவு விலையா? | ரூ.5 கோடி தாண்டாத தமிழ்ப் படங்கள் : ரூ.50 கோடியைக் கடந்த மலையாளப் படங்கள் | வீர தீர சூரனாக மாறிய விக்ரம் | அஜித் பிறந்தநாளில் 'விடாமுயற்சி' அப்டேட்? | ஷங்கரின் மருமகன் யார் தெரியுமா...! | சென்னை வெள்ளத்தை அடிப்படையாக கொண்ட குறும்படத்திற்கு துபாயில் விருது | சரியான நேரத்தில் சரியானதை செய்துள்ளேன் - வித்யா பாலன் | தனுஷின் குபேரா டைட்டிலுக்கு திடீர் சிக்கல் | கடும் உடற்பயிற்சியில் இறங்கிய ஐஸ்வர்யா ரஜினி |
கடந்த 2003-ம் ஆண்டு வெளிவந்த படம் சாமி. ஹரி இயக்கத்தில் விக்ரம், த்ரிஷா நடித்திருந்தனர். இந்தப் படத்தின் இரண்டாம் பாகம் இப்போது தயாராகிறது. ஆறுச்சாமியின் அதிகாரபூர்வ முதல் தகவல் அறிக்கை வருமாறு:
விக்ரம் ஆறுச்சாமியாக அதே கேரக்டரில் நடிக்கிறார். முதல் பாகத்தில் டெபுடி கமிஷனர். இதில் சூப்பிரண்ட் ஆப் போலீஸ். த்ரிஷா அதே புவனா ஆறுச்சாமி கேரக்டரில் நடிக்கிறார். பிளாஷ்பேக்கில் அவர் எதிரிகளால் சுட்டுக் கொல்லப்பட்டு விட ஆறுச்சாமியின் புதிய காதலியாக கீர்த்தி சுரேஷ் நடிக்கிறார்.
முதல் சாமியில் கோட்டா சீனிவாச ராவ் திருநெல்வேலி அண்ணாச்சி பெருமாள் பிச்சையாக மிரட்டினார். இரண்டாம் பாகத்தில் அண்ணாச்சியின் மகனாக, அட்வான்ஸ்டு வில்லனாக பாபி சிம்ஹா. அவர் 3 கெட்டப்பில் மிரட்டுகிறார்.
முதல் பாகத்தில் அய்யாரெட்டு சுந்தரம் எம்.எல்.ஏவாக நடித்த தியாகு, இதில் புரமோசனாகி அமைச்சர். த்ரிஷாவின் அம்மாவாக நடித்த சுமித்ரா இதிலும் அதே கேரக்டரில் தொடர்கிறார். முதல் பாகத்தின் காமெடியன் இதில் இல்லை. அவருக்கு பதிலாக சூரி நடிக்கிறார்.
அடுத்த வாரம் படப்பிடிப்பு தொடங்குகிறது. மொத்தம் 120 நாட்கள் படப்பிடிப்பு நடக்கிறது. சென்னையில் தொடங்கும் படப்பிடிப்பு வட மாநிலங்கள் சுற்றி கேரளா வழியாக தமிழ் நாட்டுக்கு வந்து பழனியில் முடிகிறது. இரண்டு பாடல் காட்சிகள் வெளிநாட்டில் படமாக்கப்படுகிறது.
முதல் பாகத்திற்கு ஒளிப்பதிவு செய்த ப்ரியன் இதற்கும் ஒளிப்பதிவு செய்கிறார். முதல் பாகத்திற்கு ஹாரிஸ் ஜெயராஜ் இசை அமைத்திருந்தார். இரண்டாம் பாகத்துக்கு தேவி ஸ்ரீபிரசாத் இசை அமைக்கிறார். இருமுகன் படத்தை தயாரித்த சிபு தமீன்ஸ் தயாரிக்கிறார்.
முதல் பாகம் 5 கோடியில் தயாரானது. இரண்டாம் பாகம் சுமார் 60 கோடியில் தயாராகிறது. முதல் பாகம் 80 கோடி வசூலித்தது. இந்தப் படம் எத்தனை கோடி வசூலிக்கும் என்பது ரசிகர்கள் கையில் இருக்கிறது.