கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் | நடிகர் சங்க கட்டிட நிதிக்கு 50 லட்சம் வழங்கிய சிவகார்த்திகேயன் | விஷாலின் வரவு செலவு கணக்கு: கோர்ட்டில் தாக்கல் | பிளாஷ்பேக்: இசையிலும் சாதனை படைத்த ராஜ்குமார் | ஹாலிவுட் பட ஆடிசனில் கலந்து கொண்ட பஹத் பாசில் | தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை | ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி |
மிஷ்கின் இயக்கத்தில் விஷால், பிரசன்னா, அனு இம்மானுவேல், ஆன்ட்ரியா, வினய் மற்றும் பலர் நடித்து நேற்று வெளியான படம் 'துப்பறிவாளன்'. தொடர்ந்து தனித் தனியே சில தோல்விப் படங்களைக் கொடுத்த மிஷ்கின், விஷால் இருவருக்கும் 'துப்பறிவாளன்' படம் முக்கியமான படமாக கருதப்பட்டது. அவர்களது எதிர்பார்ப்பு பொய்யாகாமல் படத்திற்கு முதல் நாளில் நல்ல வரவேற்பு கிடைத்துள்ளதாகத் திரையுலக வட்டாரங்கள் தெரிவிக்கின்றன.
ஏ சென்டர்களில் பிரமாதமான வரவேற்பையும், பி மற்றும் சி சென்டர்களில் சுமாரான வரவேற்பையும் இப்படம் பெற்றுள்ளது என்கிறார்கள். படத்தைப் பார்க்கும் ரசிகர்களுக்குப் படம் பிடித்திருக்கிறது என்றே தியேட்டர் வட்டாரங்களிலும் தெரிவிக்கிறார்கள். மிஷ்கின் படம் என்றால் ஆர்வத்துடன் தியேட்டருக்கு வந்து படம் பார்க்கும் இளைஞர்கள் இருப்பதால் இந்த வார இறுதிக்குள் படம் நல்ல வசூலைக் கொடுக்கவும் வாய்ப்புள்ளது என்கிறார்கள். நேற்று வியாழக்கிழமையே படத்தை வெளியிட்டது படத்திற்கு மைனஸ்தான், இருந்தாலும் வசூல் திருப்திகரமாகவே இருந்ததாம்.
மிஷ்கின், விஷால் இருவரின் முந்தைய தோல்விகளை இந்தப் படம் நிச்சயம் சரிக்கட்டும் என்றே திரையுலகத்தில் பேச்சு இருக்கிறது. இது போன்ற வித்தியாசமான படங்களில் நடித்தால்தான் விஷால் அவருடைய மார்க்கெட்டைத் தக்க வைத்துக் கொள்ள முடியும் என்ற பேச்சு கொஞ்சம் அதிகமாகவே இருக்கிறது.