டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
நான் படத்தில் ஹீரோவாக அறிமுகமான விஜய் ஆண்டனி, எமன் படம் வரை ஆறு படங்களில் நடித்து விட்டார். அதில், பிச்சைக்காரன் பிளாக் பஸ்டர் ஹிட்டானது. தெலுங்கிலும் பிச்சைக்காடு என்ற பெயரில் வெளியாகி அங்கும் அவருக்கு ஒரு பெரிய ஓப்பனிங்கை ஏற்படுத்திக் கொடுத்தது. இந்நிலையில், எமன் படத்தை அடுத்து தற்போது அண்ணாதுரை, காளி என்ற இரண்டு படங்களில் நாயகனாக நடிக்கிறார்.
இதில் அண்ணாதுரை படப்பிடிப்பு இறுதிக்கட்டத்தில் உள்ளது. இதையடுத்து கிருத்திகா உதயநிதி இயக்கும் காளி படத்தில் நடிக்கிறார். இதுவரை விஜய் ஆண்டனி நடித்துள்ள அனைத்து படங்களிலுமே பிரபலமில்லாத நாயகிகள்தான் நடித்துள்ளனர். ஆனால், காளி படத்தில் முதன்முறையாக பிரபல நடிகை அஞ்சலி அவருக்கு ஜோடியாக நடிக்கிறார்.
இந்த தகவலை அப்பட டைரக்டரான கிருத்திகா உதயநிதி தனது டுவிட்டரில் உறுதிப்படுத்தியுள்ளார். அதோடு, அஞ்சலியின் நடிப்பு எனக்கு ரொம்ப பிடிக்கும். அதன்காரணமாக எனது படத்தில் அவரை ஒப்பந்தம் செய்தேன். அவருடன் பணிபுரியும் நாளை ஆவலுடன் எதிர்பார்க்கிறேன் என்றும் அவர் தெரிவித்துள்ளார்.