சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் |
நீட் தேர்வுக்கு எதிராக குரல் கொடுத்த அரியலூர் மாணவி அனிதா, கடந்தவாரம் தற்கொலை செய்து கொண்டார். தமிழகத்தில் கொந்தளிப்பை ஏற்படுத்திய இந்த சம்பவத்திற்கு அரசியல் தலைவர்கள், சினிமா பிரபலங்கள் என பலரும் கண்டனம் தெரிவித்தனர். அதுமட்டுமின்றி அனிதாவிற்கு ஆதரவாக அவர் எழுப்பிய நீட் தேர்வுக்கு எதிரான குரல் ஓங்கி ஒலிக்க தொடங்கியுள்ளன. பல இடங்களில் போராட்டம் நடைபெற்று வருகின்றன.
இந்நிலையில் மாணவி அனிதாவிற்கு அஞ்சலி செலுத்தும் விதமாக, இயக்குநர்கள் சங்கம் சார்பில், அனிதா உரிமை ஏந்தல் என்ற நிகழ்ச்சி சென்னை வடபழனியில் உள்ள ஆர்கே ஸ்டுடியோவில் நடந்தது. இதில் இயக்குநர்கள் ரஞ்சித் மற்றும் அமீர் இடையே மேடையில் ஏற்பட்ட கருத்து மோதல் சலசலப்பு ஏற்படுத்தியது. அதன் விபரம் வருமாறு...
முதலில் பேசிய இயக்குநர் ரஞ்சித்... ஒரு தமிழனாக இருந்து சொல்கிறேன், ஜாதியை ஒழிக்காத வரை தமிழ் தேசியம் என்பது எட்டாக்கனி தான். இப்படி நாம் பிரிந்து இருக்கும் வரை தமிழ் தேசியத்தை நோக்கி ஒரு அடி கூட நாம் எடுத்து வைக்க முடியாது என்றார்.
இதையடுத்து பேச வந்த வந்த இயக்குநர் அமீர்.... ஜாதி, மதங்களை கடந்து நாம் தமிழனாக இருக்கிறோம். அனைவரும் ஒன்றாக இணைந்து சமூக நல்லிணக்கத்தை ஏற்படுத்த வேண்டும் என்றார்.
இந்த கருத்தில் முரண்பட்ட ரஞ்சித் உடனே மேடை ஏறி.... இன்னும் எத்தனை நாளுக்கு தான் தமிழ், தமிழன் என்று சொல்லி ஏமாற்ற போகிறீர்கள். தெருவுக்கு ஒரு ஜாதி இருக்கிறது. தமிழன் ஜாதியால் பிரிந்து கிடக்கிறான் என்பதை ஒத்துக்கொள்ளுங்கள். ஜாதியற்ற சமூகமாக மாற வேண்டும் என்பதே என் விருப்பம் என மிகவும் ஆவேசமாக பேசினார்.
இதையடுத்து இயக்குநர்கள் ராம் உள்ளிட்டவர்கள் வந்து ரஞ்சித்தை சமாதானம் செய்தனர். இதனால் அங்கு சிறிது நேரம் சலசலப்பு நிலவியது.