Dinamalar

பிரபல நடிகர் ஆர்என் சுதர்சன் காலமானார்

தமிழ் உள்ளிட்ட பல மொழி படங்களில் நடித்த பிரபல கன்னட நடிகர் ஆர்என் சுதர்சன் காலமானார். அவருக்கு வயது 78. உடல்நலக்குறைவு காரணமாக கடந்த சில தினங்களாக மருத்துவமனையில் அனுமதிக்கப்பட்டிருந்த சுதர்சன், சிகிச்சை பலன் இன்றி இன்று(செப்., 8) காலமானார்.

கர்நாடக மாநிலத்தில் 1939-ம் ஆண்டு மே 2-ம் தேதி பிறந்தவர் சுதர்சன். இவரது தந்தை ஆர்.நாகேந்திரா ராவ், கன்னட சினிமாவின் இயக்குநர், தயாரிப்பாளர், நடிகர் என பிரபலமானவர். சினிமா குடும்பத்திலிருந்து வந்ததால் என்னவோ, சுதர்சனும் தனது 21வது வயதில், தந்தை இயக்கிய, "விஜயநகரடா வீரபுத்ரா" என்ற படத்தில் ஹீரோவாக அறிமுகமானார். 60 படங்களில் ஹீரோவாக நடித்தவர் பின்னர், வில்லன் மற்றும் குணச்சித்ர வேடங்களில் நடித்தார்.

தமிழில், "தீர்ப்பு, சுமதி என் சுந்தரி, நாயகன், புன்னகை மன்னன், பாயும் புலி, வேலைக்காரன், ரமணா" உள்ளிட்ட பல படங்களிலும், பிற மொழிகளிலும் சேர்த்து சுமார் 250 படங்களில் நடித்துள்ளார். நடிகராக மட்டுமல்லாது பாடகராகவும், தயாரிப்பாளராகவும் இருந்துள்ளார் சுதர்சன்.

சுதர்சனுக்கு சைலாஸ்ரீ என்ற மனைவி உள்ளார். இவர் கன்னட சினிமாவின் மாஜி ஹீரோயின் ஆவார். சைலாஸ்ரீ உடன் நடித்தபோது அவருடன் காதல் வயப்பட்டு அவரையே திருமணம் செய்து கொண்டார் சுதர்சன்.

சுதர்சனின் சகோதர்களான ஆர்என்.கிருஷ்ணா பிரசாத் மற்றும் ஆர்என் ராஜகோபால் ஆகியோரும் சினிமாவில் மிகவும் பிரபலமானவர்கள் என்பது குறிப்பிடத்தக்கது.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்