'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் |
இதற்குதானே ஆசைப்பட்டாய் பாலகுமாரா படத்தை தொடர்ந்து நடிகர் விஜய் சேதுபதியும், இயக்குநர் கோகுலும் ஜுங்கா படத்தில் இணைந்துள்ளனர். இந்த படத்தில் விஜய்சேதுபதிக்கு ஜோடியாக வனமகன் படத்தின் ஹீரோயின் சாயிஷா நடிக்க இருக்கிறார்.
இந்த படத்தின் எழுபது சதவிகித படப்பிடிப்பும் பாரிஸில் நடைபெறவிருக்கிறது. விஜய்சேதுபதி நடித்த படங்களிலேயே அதிக செலவில் தயாராகும் படம் இதுதானாம். அதாவது 20 கோடி ரூபாய் பட்ஜெட்டில் இப்படம் உருவாகவிருக்கிறது.
பெரிய பட்ஜெட் என்பதால் இந்த படத்தை விஜய்சேதுபதியே தயாரிக்கிறார். ஆரஞ்சு மிட்டாய் படத்தின் மூலம் தயாரிப்பாளரான விஜய்சேதுபதி, சங்குதேவன் என்ற படத்தை தயாரிப்பதாக இருந்தார். பின்னர், என்ன காரணத்தினாலோ சங்குதேவன் தயாரிப்பிலிருந்து பின் வாங்கி விட்டார் விஜய்சேதுபதி.
இப்போது ஜுங்கா படத்தின் மூலம் மீண்டும் தயாரிப்பாளராகி இருக்கிறார். காஷ்மோரா படத்தில் தோல்வியை சந்தித்த கோகுல் இந்தப் படத்தை வெற்றிப்படமாக்க வேண்டும் என்ற வேகத்தோடு ஜுங்கா பட வேலைகளை கவனித்து வருகிறார். இந்த படத்தின் படப்பிடிப்பு விரைவில் துவங்குகிறது.