ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
அஜித் நடித்து இதுவரை வெளிவந்த படங்களில் 2015ம் ஆண்டு வெளிவந்த 'வேதாளம்' படம் தான் முதலிடத்தில் இருந்தது. அந்தப் படத்தின் மொத்த வசூல் 120 கோடி ரூபாய். அதை 'விவேகம்' படம் ஒரு வாரத்தில் முறியடித்திருப்பதாக திரையுலக வட்டாரங்கள் தெரிவிக்கின்றன.
'விவேகம்' படம் கடந்த வாரம் 24ம் தேதி உலகம் முழுவதும் வெளியானது. ஒரு வார முடிவில் இதுவரை 125 கோடி வரை வசூலித்துள்ளது என்கிறார்கள். தமிழ்நாட்டைப் பொறுத்தவரையில் இதுவரை 64 கோடி ரூபாயை வசூலித்துள்ளது. இருந்தாலும் தமிழ்நாடு ஏரியாவில் லாபத்தைத் தர குறைந்தது 25 கோடியாவது இன்னும் வசூலிக்க வேண்டுமாம். அதே சமயம், மற்ற மாநிலங்களில் இப்படம் லாபத்தைக் கொடுத்து வருவதாகவும் சொல்கிறார்கள்.
கர்நாடக மாநிலத்தின் வினியோக உரிமை சுமார் 5 கோடிக்கு விற்கப்பட்டுள்ளது. வசூல் ஒரு வாரத்தில் 10 கோடியைக் கடந்துள்ளது. தெலுங்கு உரிமை சுமார் 4 கோடிக்கு விற்கப்பட்டு வசூல் 7 கோடியைத் தாண்டியுள்ளது. கேரளாவில் சுமார் 3 கோடிக்கு விற்கப்பட்ட படம் 4.5 கோடி மட்டுமே வசூலித்துள்ளது. அங்கு நஷ்டம் வர வாய்ப்புகள் அதிகம்.
வெளிநாடுகளைப் பொறுத்தவரையில் மலேசியா, சிங்கப்பூர், இலங்கை, ஐரோப்பிய நாடுகளில் மட்டும் படத்தின் வசூலில் லாபம் வந்து கொண்டிருக்கிறது. அமெரிக்கா உள்ளிட்ட பிற நாடுகளில் நஷ்டம் வரலாம்.
படத்திற்கு கடுமையான விமர்சனங்கள் வந்த நிலையில் ஒரு வாரத்தில் இவ்வளவு வசூலித்ததே 'விவேகம்' படத்திற்கு சாதனைதான் என திரையுலகத்தில் தெரிவிக்கிறார்கள். படத்தை இன்னும் தரமாக எடுத்திருந்தால் வசூல் கண்டிப்பாக அதிகம் இருந்திருக்கம் என்பது அவர்களின் எதிர்பார்ப்பு.