தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
ஒரே நேரத்தில் 10 படங்களில் நடித்து வருகிறார் ஜி.வி.பிரகாஷ். 2019 டிசம்பர் வரை அவரது கால்ஷீட் நிறைந்திருக்கிறது. இசை அமைப்பதையும் நிறுத்தி வைத்திருக்கிறார். அவர் நடித்து வரும் படங்களில் ஒன்று குப்பத்துராஜா. சூப்பர் ஸ்டார் ரஜினியின் டைட்டிலில் சத்தமே இல்லாமல் நடித்த வருகிறார். இதனை போக்கஸ் நிறுவனத்தின் சார்பில் எம்.சரவணன், டி.சரவணன், சிராஜ் தயாரிக்கிறார்கள். இப்படத்தில் ஜி.வி.பிரகாஷுக்கு ஜோடியாக பூனம் பாஜ்வா மற்றும் பல்லக் லால்வானி நடித்துள்ளனர். பார்த்திபன், எம்.எஸ் பாஸ்கர், யோகி பாபு மற்றும் ஜாங்கிரி மதுமிதா ஆகியோர் முக்கிய கதாபாத்திரங்களில் நடித்துள்ளனர். ஜி.வி.பிரகாஷ் இசையில், மகேஷ் முத்துசாமியின் ஒளிப்பதிவில் குப்பத்து ராஜா உருவாகியுள்ளது. பிரபல நடன இயக்குனர் பாபா பாஸ்கர் இயக்கி உள்ளார். படத்தை தயாரிக்கும் விநியோகஸ்தர் சரவணன் படம் பற்றி கூறியதாவது:
சினிமா ரசிகர்களின் ரசனையை பலகாலமாக விநியோகஸ்தர்களாக இருந்து கண்டறிந்ததால் சினிமா தயாரிப்பில் கால் எடுத்துவைக்க முடிவு செய்தோம். தயாரிப்பாளர்களின் விருப்பமாகவும் இன்றைய இளைஞர்களால் மிகவும் ரசிக்கப்படும் கதாநாயகனாக இருப்பவர் ஜி.வி.பிரகாஷ். அவரது கதாநாயகன் அந்தஸ்து கூடி வருவதை எல்லோரும் காணலாம். குப்பத்து ராஜா படத்தின் கதையை பாபா பாஸ்கர் அவர்கள் எங்களிடம் கூறியபொழுது நாங்கள் ஆச்சிரியப்பட்டோம் .
பிரபல நடன இயக்குனரான அவருக்குள் இப்படி ஒரு திறமையான இயக்குனர் இருக்கிறார் என்பது எங்களுக்கு அன்று தான் தெரிந்தது. அவரது படமாக்கும் முறையும் எங்களை மிகவும் கவர்ந்தது. ரஜினி சாரின் வெற்றி தலைப்பு என்பதால் மட்டுமில்லாமல் இக்கதைக்கும் மிக சரியாக பொருந்துவதால் குப்பத்து ராஜா தலைப்பை சூட்டினோம். வரும் கிறிஸ்துமஸ் விடுமுறை தினங்களில் ரிலீசாகி ரசிகர்களை மகிழ்விக்கவுள்ளது. என்றார்.