'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
அமிதாப் பச்சன், ரித்தேஷ் தேஷ்முக் நடித்த அலாதின் படம் மூலம் பாலிவுட்டில் அறிமுகமானவர் நடிகை ஜாக்குலின் பெர்னாண்டஸ். தற்போது பிஸியாக நடிகையா வலம் வரும் ஜாக்குலின், நடிப்பில் வெள்ளியன்று(ஆகஸ்ட் 24) "ஏ ஜென்டில்மேன்" படம் ரிலீஸாக உள்ளது. இப்படம் பற்றி நம்மோடு அவர் பகிர்ந்து கொண்டதாவது...
ஜென்டில்மேன் படத்தில் நடிக்க என்ன காரணம்?
நிறைய காரணங்கள் உள்ளன. ஒன்று இப்படத்தின் இயக்குநர்களான ராஜ் - டிகே. இருவரும் ரசனையான இயக்குநர்கள். இவர்கள் இயக்கிய கோ கோவா கான் போன்ற படங்கள் எனக்கு மிகவும் பிடிக்கும். அடுத்தது படத்தின் கதை எனக்கும் மிகவும் பிடித்தது. என் நிஜ வாழ்க்கையோடு இப்படத்தின் கேரக்டர் ஒத்துப்போனதால் நடிக்க சம்மதம் சொன்னேன்.
படத்தில் உங்க ரோல் பற்றி சொல்லுங்க?
காவ்யா என்ற ரோலில் நடிக்கிறேன். எப்போதும் கலகலப்பாக இருக்க கூடியவர். தன் வாழ்க்கையில் எந்த ஒரு சாகசமும் இல்லை என்று ஏங்குபவர். தனக்கு வரப்போகும் பாய்பிரண்டு, நேர்மையாக, அழகானவராக, தைரியமானவராக, சாகசங்கள் செய்பவராக இருக்க வேண்டும் என்ற எண்ணம் உடையவர் மாதிரியான வேடத்தில் நடித்துள்ளேன்.
ஆக்ஷ்ன் காட்சிகளில் நடித்தது பற்றி?
எனக்கு ஆக்ஷ்ன் படங்கள் பண்ண பிடிக்கும். இப்படத்தில் அப்படி நடிக்கும்போது மிகவும் ஆவலாய் இருந்தது. படத்தில் எனக்கு நிறைய ஆக்ஷ்ன் காட்சிகள் கிடையாது. இருந்தாலும் ஏதோ பண்ணியிருக்கிறேன். அகிராவில் சோனாக்ஷி சின்ஹா நடித்தது போன்று ஒரு முழு நீள ஆக்ஷ்ன் படத்தில் நடிக்க விரும்புகிறேன்.
உங்களின் அழகான புன்னகை பற்றி?
நிறையபேர் எனது புன்னகை அழகாக இருப்பதாக சொல்லியிருக்கிறார்கள். முதன்முறையாக நான் சல்மானை சந்தித்த போது, எனது புன்னகை அழகாக இருப்பதாக அவர் தெரிவித்தார். அதோடு எனது பெயரையும் முஸ்கான் என மாற்றிக்கொள்ளும்படி சொன்னார். என் புன்னகையில் போலித்தனம் இருக்காது. ஆள் மனதிலிருந்து சிரிக்கிறேன், என்னால் சிரிப்பை கட்டுப்படுத்த முடியாது.
உங்களின் வாழ்க்கை துணை எப்படி இருக்க வேண்டும் என்று விரும்புகிறீர்கள்?
நிறைய எதிர்பார்ப்புகள் எல்லாம் இல்லை. எனக்கு வரப்போகும் ஜென்டில்மேன் உண்மையாக இருக்க வேண்டும். ஏனென்றால் சினிமாவில் இருப்பவர்கள் போலியானவர்கள், பொய் பேசுபவர்களாக உள்ளனர், மற்றபடி வேறு எதுவும் கிடையாது. அப்புறம், இன்னொரு விஷயம் நல்ல சமைக்க தெரிந்தவராகவும் அந்த ஜென்டில்மேன் இருக்க வேண்டும் என்று புன்னகைக்கிறார் ஜாக்குலின்.