பெண்களால் முடியாதது எதுவுமில்லை! அண்ணா பல்கலை விழாவில் சூர்யா பேச்சு | கேரள ரசிகர்கள் தள்ளுமுள்ளு! விஜய்யின் கார் கண்ணாடி உடைந்தது!! | இறுதிக்கட்டத்தை நெருங்கிய ஜெயம் ரவியின் ஜீனி! | ஆண்ட்ரியாவுக்காக அடம்பிடித்த இயக்குனர் | ரூ.200 கோடி வசூலித்த முதல் மலையாள படம்: மஞ்சும்மேல் பாய்ஸ் சாதனை | ‛உன்னோடு வாழாத வாழ்வென்ன வாழ்வு': 25வது ஆண்டு திருமண வாழ்க்கையை கொண்டாடிய அஜித் - ஷாலினி தம்பதி | பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! | இளையராஜா பயோபிக் படம் குறித்து புதிய தகவல் இதோ! | நடிகை பூஜாவின் லேட்டஸ்ட் புகைப்படம் வைரல் |
தெலுங்குத் திரையுலகின் மெகா ஸ்டார் சிரஞ்சீவி நடிக்கும் 151வது படமான 'சைரா' படத்திற்கு ஏ.ஆர்.ரகுமான் இசையமைக்கிறார். அதோடு ஒரு முக்கியமான ரோலில் விஜய் சேதுபதியும் நடிக்க இருக்கிறார்.
ஆந்திராவைச் சேர்ந்த சுதந்திரப் போராட்ட வீரரான உய்யலவாடா நரசிம்மரெட்டியின் வாழ்க்கை வரலாற்றை மையப்படுத்தி இப்படம் தயாராக உள்ளது. சுரேந்தர் ரெட்டி இயக்கும் இந்தப் படத்தின் முதல் பார்வை சிரஞ்சீவியின் பிறந்த நாளை முன்னிட்டு சற்று முன்னர் வெளியிடப்பட்டது.
சிரஞ்சீவியின் மகன் ராம் சரண் தேஜா இப்படத்தை மிகப் பிரம்மாண்டமாகத் தயாரிக்கிறார். இப்படத்திற்கு இசையமைக்க ஏ.ஆர்.ரகுமானைத் தொடர்ந்து கேட்டுக் கொண்டு வந்தனர். ஆனால், அது பற்றிய எந்த விவரங்களையும் தெரிவிக்காமல் இருந்தனர். ரகுமான் ஒப்பந்தத்தில் கையெழுத்து போடும் வரை அது பற்றிய அறிவிப்பை வெளியிடத் தயங்கினர். தற்போது ரகுமான் படத்திற்கு இசையமைக்க சம்மதித்து ஒப்பந்தத்தில் கையெழுத்திட்டு விட்டதால் இன்று வெளியான போஸ்டரில் ஏ.ஆர்.ரகுமான் பெயரும் இடம் பெற்றிருக்கிறது.
ஹிந்தி நடிகர் அமிதாப் பச்சன், கன்னட நடிகர் சுதீப், தமிழ் நடிகர் விஜய் சேதுபதி, மற்றும் ஜெகபதி பாபு ஆகியோரும் இப்படத்தில் முக்கிய கதாபாத்திரங்களில் நடிக்கிறார்கள். நயன்தாரா நாயகியாக நடிக்கிறார்.
இந்தப் படத்தை தெலுங்கில் தயாரிப்பதோடு தமிழ், மலையாளம், ஹிந்தி ஆகிய மொழிகளிலும் வெளியிட திட்டமிட்டுள்ளனர்.