Dinamalar

என் படத்தை இணையதளத்தில் வெளியிடாதீர்கள்: த்ரிஷா வேண்டுகோள்

நடிகை த்ரிஷா தற்போது விஜய் சேதுபதியுடன் 96 என்ற படத்தில் நடித்து வருகிறார். சி.பிரேம்குமார் இயக்கும் இந்தப் படத்தில் அவர் பள்ளி மாணவி, ஆசிரியை, நடுத்தர வயதை தாண்டிய தோற்றம் என 3 கெட்அப்களில் நடிக்கிறார். இதற்கான தனது எடையை கணிசமாக குறைத்திருக்கிறார்.

இதன் படப்பிடிப்புகள் சென்னையில் நடந்து வருகிறது. இந்தப் படப்பிடிப்புக்கு சென்ற த்ரிஷாவின் ரசிகர்கள் அவருடன் புகைப்படும் எடுத்துக் கொண்டனர். இந்தப் படத்தை அவர்கள் தங்களது பேஸ்புக் டுவிட்டரில் வெளியிட்டனர். இதனால் 96 படத்திற்காக எடை குறைந்த அவரது படம் வெளிவந்தது. இதைப் பார்த்த த்ரிஷா அதிர்ச்சி அடைந்தார்.

இதுகுறித்து அவர் தனது டுவிட்டர் பக்கத்தில் கூறியிருப்பதாவது: எனது ரசிகர்களை எனக்குப் பிடிக்கும், அவர்களுடன் இணைந்து புகைப்படம் எடுத்துக் கொள்ளவும் சந்தோஷமாக சம்மதிக்கிறேன். ஆனால் படப்பிடிப்பு மற்றும் தளத்தில் என்னுடன் எடுத்துக் கொள்ளும் புகைப்படங்களை சமூக ஊடகங்களில் பகிர வேண்டாம் என உங்களைக் கேட்டுக் கொள்கிறேன். படத்தில் கதாபாத்திரங்களின் தோற்றம் எப்படி இருக்க வேண்டும் என்று கடினமாக உழைத்து முடிவெடுக்கும் இயக்குநர், அதை அவர் விரும்பும் நேரத்தில் வெளியிட வேண்டும் என நினைப்பார். எனவே அதை முன்னமே வெளியிடுவது அவருக்கு பெரிய அவமதிப்பு செய்வது போல் ஆகும் என்று எழுதியுள்ளார் த்ரிஷா.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்