Dinamalar

விவேகம் உலக தரமான படம்: விவேக் ஓபராய்

அஜித், காஜல் அகர்வால், அக்ஷ்ரா ஹாசன் நடித்துள்ள படம் விவேகம். சத்யஜோதி தியாகராஜன் தயாரித்துள்ளார், சிவா இயக்கி உள்ளார். இதில் பாலிவுட் நடிகர் விவேக் ஓபராய் முக்கிய கேரக்டரில் நடித்துள்ளார். படத்தில் நடித்தது பற்றி விவேக் ஓபராய் கூறியதாவது:

ரத்த சரித்திராவுக்கு பிறகு நான் நடித்துள்ள தமிழ் படம் இது. நிறைய தமிழ் பட வாய்ப்புகள் வந்தது, சில சூழ்நிலைகளால் நடிக்க முடியாமல் போனது. தமிழ் நாட்டுக்கும் எனக்கும் நெருங்கிய தொடர்பு உண்டு. தனது தாய் கோயம்புத்தூர் மன்றாடியார் பரம்பரையை சேர்ந்தவர். எங்களுக்கு சொந்தமான வீடுகள், எஸ்டேட்டுகள் காங்கேயம் பகுதியில் உள்ளது. சின்ன வயதில் அடிக்கடி அங்கு வருவேன். இதனால் தமிழும் கொஞ்சம் பேசத் தெரியும்.

தொழில், சமூக சேவை என சினிமாவைத் தாண்டியும் இயங்குவதால் வருடத்திற்கு ஒன்றிரண்டு படங்களில் தான் நடிக்கிறேன். சிவா மும்பை வந்து இந்த கதையை சொன்னபோது இதில் நடிக்க ஒப்புக் கொண்டேன். கதை நன்றாக இருக்கிறது எப்படி எடுப்பாரோ என்ற சந்தேகத்துடன் சிவா இயக்கிய வீரம், வேதாளம் படங்களை பார்த்தேன். மிரட்டலாக இருந்தது.

காஜல் அகர்வால் அறிமுகமானதே நான் நடித்த படத்தில் தான். இப்போது அவருடன் மீண்டும் நடிக்க வாய்ப்பு கிடைத்துள்ளது. அக்ஷ்ரா ஹாசன் ஸ்டைலிஷான ஹீரோயினாக வலம் வருவார்.

அஜித்துடன் நடித்தது பெருமையான விஷயம். படப்பிடிப்பு முழுக்க அவர் ஒரு சூப்பர் ஸ்டாராக தன்னை காட்டிக் கொள்ளவில்லை. சில நேரம் புரொடக்ஷ்ன் பாய் போலவும் வேலை செய்வார். மைனஸ் 17 டிகிரி குளிரில் வெற்று உடம்புடன் நடித்தார். அவரிடமிருந்து நிறைய கற்றுக் கொண்டேன். தமிழில் எந்த நடிகருடனும் நடிக்கத் தயார். கதையும், கேரக்டரும் வலுவாக இருக்க வேண்டும் அவ்வளவு தான்.

விவேகம் படத்தை ஹாலிவுட் தரத்திலான படம் என்கிறார்கள். ஆனால் இது அதையும் தாண்டிய படம். சர்வதேச தரத்திலான தமிழ் படம் என்று கூறலாம். நிச்சயம் இந்தப் படத்திற்கு பிறகு தமிழ் சினிமாவை ஹாலிவுட் சினிமா திரும்பி பார்க்கும் என்றார் விவேக் ஓபராய்.

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...

• 
  இயக்குனர் சேரனின் மூத்த மகளுக்கு திருமணம்
• 
  மே 1ம் தேதி முதல் மாற்றம் : ராகவா லாரன்ஸ்
• 
  அருண் விஜய் நடிக்கும் ரெட்ட தல
• 
  பாடலாசிரியரும் உரிமை கோரினால் என்னவாகும் - இளையராஜா தரப்புக்கு ...
• 
  கன்னடத்தில் கால் பதிக்கும் ஐஸ்வர்யா ராஜேஷ்