இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
சமூக வலைத்தளங்களில் இன்று கடுமையான சண்டை, சச்சரவுகளைப் பார்க்கலாம். அது வேறு யாருக்கோ நடக்கப் போவதில்லை, அஜித், விஜய் ரசிகர்களுக்கு இடையில் தான் நடக்கப் போகிறது. நள்ளிரவு 12 மணியிலிருந்தே அஜித் ரசிகர்கள் அதை ஆரம்பித்துவிட்டார்கள். நேற்று இரவு 10 மணிக்கு திடீரென, நள்ளிரவு 12.01 முதல் 'விவேகம்' டிரைலர் வெளியாகும் என்று அறிவித்தார்கள். அதற்காகவே காத்திருந்த அஜித் ரசிகர்கள், வழக்கம் போல அவர்களது தூக்கத்தைத் தொலைத்து இந்த 12 மணி நேரத்திற்குள் டிரைலரை புதிய சாதனை படைக்க வைத்துவிட்டார்கள்.
கடந்த சில நாட்களாகவே அடுத்த வாரம் வெளியாகும் 'விவேகம்' படத்தையும் மீறி விஜய் நடித்து வரும் 'மெர்சல்' படத்தின் பாடல்களைப் பற்றிய தகவல்களும், விவரங்களும் சமூக வலைத்தளங்களை ஆக்கிரமித்து டிரென்டிங்கில் வந்து கொண்டிருந்தன. அஜித் ரசிகர்களுக்கு 'விவேகம்' படத்தின் டிரைலர், படம் தவிர மற்ற அனைத்தும் வெளிவந்துவிட்டதால் எதைப் பற்றிப் பேசுவது என்பது இருந்தது. அதனால், டிரைலர் வந்ததும் ஆரம்பித்துவிட்டார்கள், அடுத்த வாரம் படம் வரும் வரை டிரைலரைத் திரும்பத் திரும்ப பார்த்துக் கொண்டிருப்பார்கள்.
'விவேகம்' டிரைலருக்குப் போட்டியாக இன்று விஜய் நடிக்கும் 'மெர்சல்' படத்தின் இரண்டாவது சிங்கிளான 'நீதானே...' பாடல் இன்று மாலை 6 மணிக்கு வெளியாக உள்ளது. அதற்கு முன்னதாக பாடலின் டீசரை நண்பகல் 12 மணிக்கு வெளியிட உள்ளார்கள்.
கடந்த வாரம் வெளியான 'ஆளப் போறான் தமிழன்...' பாடலை சூப்பர் ஹிட் வரிசையில் இடம் பெற வைத்த விஜய் ரசிகர்கள் இன்று மாலை 'நீதானே...' பாடலை பெரிய அளவில் சாதனை புரிய வைக்க காத்துக் கொண்டிருக்கிறார்கள்.
'விவேகம்' டிரைலரின் பன்ச் டயலாக்குகளால் கொஞ்சம் வெறுப்பாகி இருக்கும் விஜய் ரசிகர்கள் இன்று மாலைக்காக காத்திருக்கிறார்கள்.