தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
2003ம் ஆண்டு உருமாற்றம் என்ற குறும்படத்தில் நடித்ததற்காக சிறந்த நடிகருக்கான தேசிய விருது பெற்றவர் ஜி.எம்.சுந்தர். லெனின் இயக்கி தேசிய விருது பெற்ற ஊருக்கு 100 பேர் படத்தின் ஹீரோவும் இவர்தான். சமீபத்தில் வெளியான பொதுவாக எம்மனசு தங்கம் படத்தில் ஊர் தலைவர் கேரக்டரில் நடித்து ரீ-என்ட்ரி ஆகியிருக்கிறார் சுந்தர். இதுகுறித்து அவர் கூறியதாவது:
நடிப்பு மீதுள்ள ஆசையினால் பிலிம் இன்ஸ்டியூட்டில் சேர்ந்து நடிப்பு கற்றேன். அதன்பிறகு பாலச்சந்தர் முன் நடித்து காட்டி அவரது அன்பை பெற்றேன். புன்னகை மன்னன் படத்தில் எங்கள் பெருமைமிகு அறிமுகம் என்ற டைட்டிலோடு அந்தப் படத்தில் என்னை அறிமுகப்படுத்தினார்.
அதன் பிறகு கடமை கண்ணியம் கட்டுப்பாடு, சத்யா, அதர்மம், தொட்டி ஜெயா உள்பட 50க்கும் மேற்றபட்ட படங்களில் நடித்தேன். அதன்பிறகு தொழில் விஷயத்தில் கவனம் செலுத்த வேண்டியது இருந்ததால் சினிமாவை விட்டு விலகி இருந்தேன். நீண்ட இடைவெளிக்குப் பிறகு காதலும் கடந்து போகும் படத்தில் நலன் குமாரசாமி ரீ-என்ட்ரி கொடுத்தார். தற்போது பொதுவாக எம்மனசு தங்கம் படத்தில் பெரிய கேரக்டரில் நடித்துள்ளேன். தொடர்ந்து நல்ல கேரக்டர்களை தேர்வு செய்து நடிக்க முடிவு செய்திருக்கிறேன். என்கிறார் ஜி.எம்.சுந்தர்.