Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

காயத்ரியை வேண்டுமென்றே காப்பாற்றினாரா பிக் பாஸ் ?

12 ஆக, 2017 - 14:15 IST
எழுத்தின் அளவு:
Did-Bigboss-safe-Gayathiri

ஓவியா கடந்த வாரம் பிக் பாஸ் நிகழ்ச்சியை விட்டு வெளியேறிய பின் நிகழ்ச்சி மீதான நம்பகத் தன்மை நாளுக்கு நாள் குறைந்து கொண்டே வருகிறது. இந்த வாரத்தில் வைக்கப்பட்ட 'டாஸ்க்'குகள் மற்றும் அதற்காக அணிகளைப் பிரித்த விதம் ஆகியவற்றைப் பார்க்கும் போது அனைத்துமே திட்டமிடப்பட்டு, எழுதப்பட்டு, செயல்படுத்தப்படுகிறதோ என்ற சந்தேகம் அதிகரிக்கிறது.

இந்த வாரம் முழுவதும் நிகழ்ச்சியில் பெரிய சுவாரசியம் எதுவும் இல்லாமல் சாதாரணமாகவே போனது. ரசிகர்களைக் கவர்ந்த ஓவியா இல்லாதது, ரசிகர்களின் வெறுப்புக்கு ஆளான ஜுலி இல்லாதது ஆகியவை நிகழ்ச்சியில் நன்றாக எதிரொலித்தது. ரைசா மட்டும் திடீரென நல்லவராக மாறியது ஆச்சரியத்தை ஏற்படுத்தியது. மற்றவர்களின் கேரக்டர்களில் எந்த மாற்றமும் இல்லாமல் அப்படியேதான் தொடர்கிறார்கள்.

நேற்று பிக் பாஸ் போட்டியாளர்களுக்கு திடீரென ஒரு டாஸ்க்கைக் கொடுத்தார். ஒவ்வொரு போட்டியாளர்களிடமும் ஐந்து கேள்விகள் கேட்கப்பட்டு யார் அதிக பதில்களைச் சொல்கிறார்களோ அவர்களுக்கு எதிர்பாராத ஒன்று காத்திருக்கிறது என்று அறிவித்தார். அதன்படி இத்தனை நாட்கள் பிக் பாஸ் நிகழ்ச்சியில் நடந்தவைகள் அனைவரிடமும் கேள்விகளாகக் கேட்கப்பட்டன.

ஐந்து கேள்விகளுக்கும் சரியான பதிலை சொன்னவர் காயத்ரி மட்டுமே. முடிவுகளை அறிவித்த பிக் பாஸ், சரியான பதில்களைச் சொன்ன காயத்ரி, இந்த வார எவிக்ஷனிலிருந்து காப்பாற்றப்படுகிறார் என்று சொன்னது நிகழ்ச்சியைப் பார்த்துக் கொண்டிருந்தவர்களுக்கு அதிர்ச்சியாக அமைந்தது.

இந்த வார எவிக்ஷன் வாக்களிப்பில் ரைசா தவிர மற்ற அனைவருமே இருந்தார்கள். காயத்ரிக்கும், சக்திக்கும்தான் மிகவும் குறைவான வாக்குகள் விழுந்ததாகச் சொல்லப்படுகிறது. காயத்ரி இருந்தால்தான் நிகழ்ச்சியில் ஏதாவது, சண்டை, சச்சரவு வரும் என்று கருதிய பிக் பாஸ் நிகழ்ச்சியாளர்கள் காயத்ரிக்கு சொல்லிக் கொடுத்து அவரைக் காப்பாற்றியதாக சமூக வலைத்தளங்களில் குற்றம் சாட்டி வருகிறார்கள்.

மக்களின் வாக்களிப்புக்கு எதிராக பிக் பாஸ் நிகழ்ச்சியை நடத்திக் கொண்டு செல்கிறார்கள் என்றும் கமெண்ட்டுகள் அதிகம் வருகின்றன. பிக் பாஸ் நிகழ்ச்சியைப் பார்ப்பதை நிறுத்துவதோடு, இனி வாக்களிப்பதிலும் கலந்து கொள்ளக் கூடாது என பலரும் சொல்லி வருகிறார்கள்.

இன்று, சனிக் கிழமை என்பதால் கமல்ஹாசன் நிகழ்ச்சியைத் தொகுத்து வழங்குவார். தன்னை மக்களின் பிரதிநிதி என நிகழ்ச்சியில் சொல்லிக் கொள்ளும் அவர் பிக் பாஸின் மக்களுக்கு எதிரான காயத்ரியைக் காப்பாற்றும் பிக் பாஸ் முடிவுக்கு என்ன சொல்லப் போகிறார் என்று அனைவரும் காத்துக் கொண்டிருக்கிறார்கள்.

Advertisement
விவேகம் படத்தின் பிசினஸ் எவ்வளவு தெரியுமா?விவேகம் படத்தின் பிசினஸ் எவ்வளவு ... அரை நிர்வாணம் டூ நிர்வாணம் : அடங்காத இஷா குப்தா அரை நிர்வாணம் டூ நிர்வாணம் : அடங்காத ...


வாசகர் கருத்து

No comments found

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Velaikkaran
    • வேலைக்காரன்
    • நடிகர் : சிவகார்த்திகேயன்
    • நடிகை : நயன்தாரா
    • இயக்குனர் :ஜெயம் ராஜா
    Tamil New Film thirupathisamy kudumbam
    Tamil New Film oru kanavu pola
    • ஒரு கனவு போல
    • நடிகர் : ராமகிருஷ்ணன் ,
    • நடிகை : அமலா
    • இயக்குனர் :வி.சி விஜய்சங்கர்
    Tamil New Film maayavan
    • மாயவன்
    • நடிகர் : சந்தீப் கிஷன்
    • நடிகை : லாவண்யா திரிபாதி
    • இயக்குனர் :சி.வி. குமார்

    Tweets @dinamalarcinema

    Advertisement
    Copyright © 2017 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in