ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
2017ம் வருடத்தில் மிகப் பெரும் போட்டியாகப் பெரிய படங்களும் இல்லாமல், மற்ற சிறிய படங்களையும் வெளிவர விடாமல் கடந்து போன ஒரு நாள் தான் நேற்றைய தினமான ஆகஸ்ட் 11. 'வேலையில்லா பட்டதாரி 2, பொதுவாக எம்மனசு தங்கம், தரமணி' ஆகிய மூன்றே மூன்று நேரடித் தமிழ்ப் படங்கள்தான் நேற்று வெளியாகின. இதற்கு முன் வாரங்களில் வெளியான படங்கள் ஒரு சில தியேட்டர்களில் ஓடிக் கொண்டிருக்கின்றன. மற்ற பெருவாரியான தியேட்டர்களை நேற்று வெளியான படங்கள் போட்டி போட்டு கைப்பற்றின.
மூன்று படங்ளுமே ஒன்றுக்கொன்று விளம்பரம் செய்வதில் சளைத்தவரில்லை என பல விதங்களில் படத்தை பிரமோஷன் செய்து வருகிறார்கள். ஆனால், மூன்று படங்களின் முதல் நாள் நிலவரம் கலவரமாக இல்லை என்றாலும் கலெக்ஷன் ஆகவேதான் இருக்கிறது. அது இன்றுடன் சேர்ந்த அடுத்த நான்கு விடுமறை நாட்களிலும் தொடரவே வாய்ப்புகள் அதிகம்.
'விஐபி 2' படத்தை சட்டென்று முடித்துவிட்டார்கள் என்றும், 'பொதுவாக எம்மனசு தங்கம்' படத்தில் நகைச்சுவையே இல்லை என்றும், 'தரமணி' படம் தரமானதாக இருந்தாலும் மாநகரங்களைத் தாண்டி ஓடுமா என்றும் கமெண்ட்டுகள் எழுந்துள்ளது. ஆனாலும், இந்த கமெண்ட்டுகள் படங்களை அதிகம் பாதிக்க வாய்ப்பில்லை என்கிறார்கள்.
பெரிய தயாரிப்பாளர்கள் கிடைத்தும் கதை சொல்வதில் அனைத்து ரசிகர்களையும் திருப்திப்படுத்தும் அளவிற்கு சம்பந்தப்பட்ட இயக்குனர்கள் கதை அமைத்திருக்கலாமே என்ற பொதுவான கேள்விதான் எழுகிறது. குறைகள் இல்லாத படங்கள் எப்போது வரும் என்று இன்னும் எத்தனை வருடங்களுக்கு சொல்லிக் கொண்டிருக்கப் போகிறோம்.