ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
ஜெயம் படத்தில் அறிமுகமான சதா போய்யா... போ... போ என்ற ஒற்றை வரி வசனத்தின் மூலம் பிரபலமானார். அதன் பிறகு தெலுங்கு, தமிழில் 50 படங்களுக்குமேல் நடித்து விட்டார். ஷங்கர் இயக்கிய அந்நியன் படத்தில் விக்ரம் ஜோடியாக நடித்து நம்பர் ஒன் இடத்தையும் பிடித்தார். எவ்வளவு வேகமாக வளர்ந்தாரோ அவ்வளவு வேகமாக கீழேயும் இறங்கினார். புலிவேஷம் என்ற படத்தில் ஆர்கேயுடனும் நடித்தார். தெலுங்கு, இந்தி படங்களில் ஒரு பாட்டுக்கு ஆடினார். தமிழில் மதகஜராஜா படத்திலும் ஒரு பாட்டுக்கு ஆடினார்.
தற்போது அவர் டார்ச் லைட் என்ற படத்தில் பாலியல் தொழிலாளியாக நடிக்கிறார். விஜய் நடிப்பில் தமிழன் படத்தை இயக்கிய அப்துல் மஜீத் இயக்குகிறார், புதுமுகம் உதயா, ரித்விகா, ஏ.வெங்கடேஷ், சுஜாதா, உள்பட பலர் நடிக்கிறார்கள். ஜேவி இசை அமைக்கிறார். வைரமுத்து பாடல்கள் எழுதுகிறார். இது பற்றி இயக்குனர் அப்துல் மஜீத் கூறியதாவது:
பாலியல் தொழிலுக்கு எந்த பெண்ணும் விரும்பி வருவதில்லை. வறுமையாலும், துரோகத்தாலும், சந்தர்ப்ப சூழ்நிலையாலும் அதற்குள் தள்ளப்படுகிறார்கள். அந்த சூழ்நிலைகளை சமாளித்து எப்படி பாலியல் தொழிலுக்கு செல்லாமல் தப்பிக்கலாம் என்று பெண்களுக்கு விழிப்புணர்வு ஏற்படுத்தும் வகையில் இந்தப் படம் தயாராகி வருகிறது.
நிறைய நடிகைகளிடம் இந்த கதையை கூறியும் அவர்கள் நடிக்க மறுத்து விட்டனர். இமேஜ் போய்விடும் என்றனர். கடைசியாக சதாவிடம் கதை சொன்னபோது இது போன்ற படங்கள் சமூகத்துக்கு அவசியம் தேவை என்ற கூறி நடிக்க ஒப்புக் கொண்டார். கதை 1990களில் நடக்கிறது. படப்பிடிப்பு மும்முரமாக நடந்து வருகிறது. என்றார் அப்துல் மஜீத்.