Dinamalar

விரைவில் 'மெர்சல்' சிங்கிள் பாடல் வெளியீடு

'தெறி' படத்திற்குப் பிறகு அட்லீ - விஜய் கூட்டணி இணைந்துள்ள 'மெர்சல்' படத்தின் இசை வெளியீடு வரும் 20ம் தேதி நடைபெற உள்ளது. ஏ.ஆர்.ரகுமான் இசையமைக்கும் இந்தப் படம் ஸ்ரீ தேனாண்டாள் பிலிம்ஸின் 100வது படமாகத் தயாராகி வருகிறது. படத்திற்கு 100 கோடி ரூபாய்க்கு மேலும் செலவு செய்துள்ளதாகத் தகவல்கள் வெளியாகியுள்ளன.

விஜய் மூன்று வேடங்களில் நடிக்கும் இந்தப் படத்தில் அவருக்கு ஜோடியாக, சமந்தா, காஜல் அகர்வால், நித்யா மேனன் ஆகியோர் நடிக்கிறார்கள். நீண்ட இடைவெளிக்குப் பிறகு விஜய் படத்தில் வடிவேலு நடிக்கிறார்.

இப்படத்தின் இசை வெளியீட்டு விழா 20ம் தேதி நடைபெறுவதற்கு முன்பாக படத்தின் பக்கா மாஸ் பாடல் ஒன்றை விரைவில் வெளியிட உள்ளதாக படத்தின் தயாரிப்பாளரான ஹேமா ருக்மணி தெரிவித்துள்ளார்.

விஜய் ரசிகர்களுக்கேற்ற விதத்தில் 'தெறி' படத்தை கமர்ஷியலாகவும், பாடல்களை சூப்பர் ஹிட்டாகவும் கொடுத்த அட்லீ, ஏ.ஆர்.ரகுமான் இசையுடன் இந்தப் படத்தை இன்னும் சிறப்பாக உருவாக்கியிருப்பார் என விஜய் ரசிகர்கள் எதிர்பார்த்துள்ளனர்.

அஜித்தின் 'விவேகம்' படம் இன்னும் இரண்டு வாரங்களில் வெளிவரும் நிலையில் அதற்குப் போட்டியாக 'மெர்சல்' படத்தின் சிங்கிள் டிராக், டீசர், இசை வெளியீடு ஆகியவை களத்தில் இறங்க உள்ளன. அக்டோபர் மாதம் கேட்க வேண்டிய தீபாவளி பட்டாசு சத்தம் ஆகஸ்ட் மாதத்திலேயே கேட்டுவிடும் போலிருக்கிறது. சமூக வலைத்தளங்கள் அதிரப் போகிறது.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்