டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ்த் திரையுலகத்தில் தனது தனித்த முயற்சியால் நுழைந்து வெற்றி பெற்று தனக்கென தனி ரசிகர்களை வைத்திருப்பவர் அஜித்குமார். ரசிகர் மன்றங்கள் வேண்டாம் என்று சொன்ன பிறகும் அவர் பின்னால் இவ்வளவு ரசிகர்களா என மற்ற முன்னணி நடிகர்களையும் பொறாமைப்பட வைப்பவர் அஜித்.
வாரிசு நடிகர்கள் நிறைந்த திரையுலகத்தில் தங்களது முயற்சியால் வெற்றி பெற்று வளர்ந்து நிற்கும் நடிகர்களில் ரஜினிகாந்திற்கு அடுத்து பெயர் வாங்கியிருப்பவர் அஜித் மட்டுமே. அவர் திரையுலகத்திற்குள் நடிகராக தன்னுடைய முதல் கையெழுத்தை பதிவிட்ட நாள் இன்று.
25 வருடங்களுக்கு முன்பு 1992ம் ஆண்டு ஆகஸ்ட் மாதம் 3ம் தேதி தெலுங்குப் படமான பிரேம புஸ்தகம் படத்தில் நடிப்பதற்காக அவர் ஒப்பந்தத்தில் கையெழுத்திட்ட நாள். அந்தப் படத்தில் நடித்த பின்னர் தான் தமிழில் அமராவதி படம் மூலம் நடிகராக அறிமுகமானார். ஆனால், பிரேம புஸ்தகம் படத்திற்கு முன்னதாகவே அமராவதி படம் வெளிவந்தது. அன்றிலிருந்து இன்று வரை படிப்படியாக உயர்ந்து நிற்கிறார் அஜித்.
இந்த 25 வருடங்கள் பல தோல்விகள், பல திருப்பங்களைச் சந்தித்து அவருக்கென தனி மார்க்கெட்டை உருவாக்கி வைத்திருக்கிறார். “ஆசை, காதல் கோட்டை, காதல் மன்னன், உன்னிடத்தில் என்னைக் கொடுத்தேன், வாலி, அமர்க்களம், நீ வருவாய் என, முகவரி, கண்டு கொண்டேன் கண்டு கொண்டேன், தீனா, சிட்டிசன், பூவெல்லாம் உன் வாசம், ரெட், வில்லன், வரலாறு, கிரீடம், பில்லா, மங்காத்தா, ஆரம்பம், வீரம், என்னை அறிந்தால், வேதாளம், விவேகம் வரை” எத்தனையோ விதமான படங்கள், கதாபாத்திரங்கள் என அவருடைய ரசிகர்கள் கொண்டாடும் அளவிற்கு படத்திற்குப் படம் தன்னை உயர்த்திக் கொண்டு வருகிறார்.
அஜித்தின் இந்த 25 வருட பயணத்திற்கு திரையுலகத்தைச் சேர்ந்த தனுஷ், சிவகார்த்திகேயன் உள்ளிட்ட பலரும் வாழ்த்து தெரிவித்துள்ளார்கள்.
பொதுவாக ஒரு நடிகரின் படம் வெளியான நாளிலிருந்து தான் அவருடைய திரையுலகப் பயணத்தைக் கணக்கில் கொள்வார்கள். ஆனால், அஜித் ரசிகர்களுக்கு அஜித் சம்பந்தப்பட்ட ஒவ்வொரு விஷயமும் கொண்டாட்டமாக இருக்கிறது என்பதற்கு இந்த திரையுலக முதல் கையெழுத்து கொண்டாட்டமும் ஒரு உதாரணம்.