Dinamalar

மும்மொழி படத்திற்காக மோகன்லால்-சுதீப் கூட்டணி..!

பிரபல கன்னட இயக்குனர் பிரேம் தற்போது நடிகர் சிவராஜ் குமாரை வைத்து கன்னடத்தில் 'தி வில்லன்' என்கிற பெயரில் ஒரு படத்தை இயக்கி வருகிறார். எமி ஜாக்சன் கதாநாயகியாக நடிக்கும் இந்தப்படத்தில் மிதுன் சக்கரவர்த்தி முக்கிய வேடத்தில் நடிக்கிறார்.

தனது கனவுப்படமாக இதை உருவாக்கிவரும் பிரேமுக்கு தென்னிந்திய மொழிகள் அனைத்திலும் இந்தப்படத்தை இயக்கி வெளியிட வேண்டும் என்பது ஆவல். கன்னடத்தை பொறுத்தவரை சிவராஜ்குமார்தான் இந்த கேரக்டருக்கு செட்டாவார் என்பதில் எந்த மாற்றுக் கருத்தும் இலாததால் அவரை வைத்தே இந்தப்படத்தை துவங்கிவிட்டார்.

அதேசமயம் மற்ற மொழிகளில் சிவராஜ்குமார் நடிக்க முடியாதே. அப்போதுதான் தமிழ், மலையாள, தெலுங்கு என மும்மொழி ரசிகர்களும் ஏற்றுக்கொள்ளும் விதமாக, இந்தப்படத்தில் மோகன்லாலை நடிக்க வைக்கும் ஐடியாவை இயக்குனர் பிரேமிடம் கூறினாராம் சிவராஜ்குமார்.

அதுமட்டுமல்ல, இந்தப்படத்தில் சிவராஜ்குமாருடன் முக்கிய வேடத்தில் நடித்து வரும் சுதீப்பும் மற்ற மூன்று மொழிகளிலும் நன்கு பிரபலமானவர் என்பதால் அவரே அந்த கேரக்டரில் நடித்தால் தான் நன்றாக இருக்கும் எனவும் சொன்னாராம் சிவராஜ்குமார். இதற்கு சந்தோஷமாக ஒப்புக்கொண்ட இயக்குனர் பிரேம், இந்தப்படத்தை முடித்த கையோடு மற்ற மொழிகளில் இயக்குவதற்கான வேலைகளை ஆரம்பிக்க இருக்கிறாராம்.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  மோகன்லாலை சந்தித்தது மிகப்பெரிய கவுரவம் : ரிஷப் ஷெட்டி
• 
  பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் ...
• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...