Dinamalar

மீண்டும் தெலுங்கு பக்கம் போகும் ஷாமிலி

அஜித்தின் மைத்துனியும், முன்னாள் நாயகி ஷாலினியின் தங்கையுமான ஷாமிலி, விக்ரம் பிரபு ஜோடியாக 'வீர சிவாஜி' படத்தின் மூலம் தமிழில் நாயகியாக அறிமுகமானார். எண்ணற்ற படங்களில் குழந்தை நட்சத்திரமாக நடித்து ரசிகர்களின் மனதில், குறிப்பாக பெண்களின் மனதில் நல்ல இடத்தைப் பிடித்தவர் ஷாமிலி. ஆனால், அவர் நாயகியாக அறிமுகமாக தேர்வு செய்த 'வீர சிவாஜி', அவருக்குத் தவறான தேர்வாக அமைந்து, படமும் படுதோல்வியடைந்தது. ஷாமிலியின் அறிமுகமும் ஒரு பதிவை ஏற்படுத்தாமலே போனது. அதற்குப் பிறகு அவரைத் தேடி எந்த வாய்ப்புகளும் வரவில்லை.

நீண்ட இடைவெளிக்குப் பிறகு மீண்டும் தெலுங்கில் நடிக்க வந்த வாய்ப்பைத் தவறிவிடாமல் ஒப்பந்தமாகி விட்டார் ஷாமிலி. தெலுங்கில் பவன் சுந்தர் இயக்கத்தில் நாகசௌரியா நாயகனாக நடிக்கும் புதிய படத்தில்தான் அவர் ஒப்பந்தமாகியுள்ளார். ஷாமிலி தெலுங்கில்தான் முதன் முதலாக நாயகியாக நடிக்க ஒப்பந்தமானார். 2009ம் ஆண்டில் 'ஓயே' என்ற படத்தின் மூலம்தான் அவர் நாயகியாக அறிமுகமானார். அந்தப் படம் சுமாராக ஓடினாலும், அதன் பின் அவர் தெலுங்கிலும் நடிக்கவில்லை. இப்போது 7 வருட இடைவெளிக்குப் பிறகு மீண்டும் தெலுங்குப் படத்தில் நடிக்க உள்ளார்.

குழந்தை நட்சத்திரமாக ஜொலித்தவர் நாயகியாக பெரிய வரவேற்பை பெறுவார் என்று எதிர்பார்த்த நிலையில் ஷாமிலி நாயகியாக வெற்றி பெறுவதில் ஏன் தடுமாறுகிறார் எனத் தெரியவில்லை.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  மோகன்லாலை சந்தித்தது மிகப்பெரிய கவுரவம் : ரிஷப் ஷெட்டி
• 
  பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் ...
• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...