தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
தமிழ்த் திரையுலகத்தில் ஒரு படத்தின் வியாபாரம் என்பது சில நடிகர்களுக்கு மட்டுமே வெளியீட்டிற்கு முன்பாக முழுவதுமாக நடந்து முடிந்து விடும். பலத்த போட்டிகளுக்கு இடையில்தான் சிலர் அந்த வியாபாரத்தை முடிப்பார்கள். ரஜினிகாந்த், விஜய், அஜித் என்ற வரிசையில்தான் அந்த வியாபாரம் இருந்து வருகிறது. மற்றவர்கள் இவர்கள் மூவருக்குப் பிறகே. வியாபாரம் முடிந்த பின் அந்தப் படங்களில் வசூலில் என்ன சாதிக்கிறது என்பது வேறு கதை. ஆனால், வெளியீட்டிற்கு முந்தைய வியாபாரங்களில் இவர்கள்தான் தமிழ்த் திரையுலகத்தில் முதல் நிலை நடிகர்கள்.
ரஜினிகாந்தின் வியாபார நிலவரமே தனி. அவரது வியாபாரத்தை விஜய்யும், அஜித்தும் எட்டிப் பிடிக்க இன்னும் சில வருடங்கள் ஆகலாம். இருந்தாலும் விஜய்யும், அஜித்தும் ரஜினியைப் போலவே பட வெளியீட்டிற்கு முன்பே வியாபாரத்தை முடித்துவிடும் நடிகர்களாக இருக்கிறார்கள். இவர்களுக்குப் போட்டியாக இப்போது தெலுங்கிலிருந்து மகேஷ் பாபு வருகிறார்.
ஏ.ஆர்.முருகதாஸ் இயக்கத்தில் மகேஷ் பாபு நடிக்கும் 'ஸ்பைடர்' படம் தமிழ், தெலுங்கில் தயாராகி வருகிறது. இப்படத்தின் வியாபாரம் தற்போது மிகவும் பரபரப்பாக நடந்து வருகிறது. தமிழ் உரிமையை லைக்கா நிறுவனம் சுமார் 30 கோடி கொடுத்து வாங்கிவிட்டது.
அதே சமயம் இந்தப் படத்தின் தெலுங்கு வெளியீட்டு உரிமை சுமார் 90 கோடி வரை விற்கப்படலாம் என்கிறார்கள். தமிழ், தெலுங்கு, ஹிந்தி சாட்டிலைட் உரிமை 25 கோடிக்கு விற்கப்பட்டுள்ளது. ஹிந்தி, மலையாளம் வெளியீட்டு உரிமை 25 கோடிக்கு விற்கப்பட்டுள்ளது. இதுவே 170 கோடி ரூபாய் வரையில் வந்துவிட்டது. இது தவிர மற்ற டிஜிட்டல் உரிமைகள், இதர உரிமைகள் என பலவற்றைச் சேர்த்தால் 200 கோடியைத் தொட்டாலும் ஆச்சரியப்படுவதற்கில்லை என்கிறார்கள்.
இது விஜய், அஜித் படங்களின் வெளியீட்டிற்கு முந்தைய பட வியாபாரத்தைவிட அதிகம். மகேஷ்பாபுவின் இந்தப் போட்டியைச் சமாளிக்க வேண்டுமென்றால் விஜய், அஜித் நடிக்கும் படங்களும் இனி, மகேஷ் பாபு படங்களின் அளவிற்கு வியாபாரமாக வேண்டும். இல்லையென்றால் திரைப்பட வியாபாரத்தில் தென்னிந்திய அளவில் இளம் நடிகர்களில் மகேஷ் பாபு முன்னிலையில் இருப்பார்.