டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
முப்பது வருடங்களுக்கு முன் சரியாக 1987ம் வருடம் ஜூலை-24ஆம் தேதி, மம்முட்டி நடிப்பில், பிரபல இயக்குனர் ஜோஷி இயக்கத்தில், வெளியான படம் தான் நியூடெல்லி. மலையாளத்தில் மம்முட்டி நடித்த படங்கள் தொடர்ந்து அடிவாங்கி கொண்டிருந்த நேரம் அது. இனி அவர் அவ்வளவு தான் என்றும், ரசிகர்கள் அவரை திரையில் பார்க்க விரும்பவில்லை என்றும் செய்திகள் பரவ ஆரம்பித்தன. ஆனால் 1987ல் வெளியான அந்தப்படம் இமாலய வெற்றி பெறவே மம்முட்டி மீண்டும் பார்முக்கு வந்தார். முன்னணி ஹீரோவாக மாறினார்.
அந்தப்படத்தை தெலுங்கில் கிருஷ்ணம் ராஜூவை வைத்தும், கன்னடத்தில் அம்பரீஷையும் வைத்து தானே ரீமேக் செய்து இயக்கி வெற்றியை சுவைத்தார் இயக்குனர் ஜோஷி. ஆனால் இந்தப்படத்தை ஹிந்தியில் ஜிதேந்திராவை வைத்து ரீமேக் செய்த ஜோஷியால் மற்ற மூன்று மொழிகளைப்போல வெற்றியை பெற முடியவில்லை. இந்தநிலையில் தமிழில் இந்தப்படத்தை ரீமேக் செய்ய வேண்டும் என்றும், அதில் ரஜினிகாந்த் நடிக்க வேண்டும் என உறுதியாக நின்றார் மலையாளத்தில் இந்தப்படத்தை தயாரித்த ஜாய் தாமஸ்.
மம்முட்டி நடித்த நியூடெல்லி படத்தில் அவரது நடிப்பை பார்த்து அவரது ரசிகனாகவே மாறிப்போனாராம் ரஜினி. ஆனால் அதேசமயம் அவரை அந்தப்படத்தின் தமிழ் ரீமேக்கில் நடிக்க சொன்னபோது மறுத்துவிட்டாராம். அதற்கு அவர் சொன்ன காரணம் இதுதான். தன்னை ஜெயிலுக்கு அனுப்பியவர்களை பழிவாங்க நினைக்கும் ஹீரோ, ஜெயிலில் அறிமுகமான மூன்று கைதி நண்பர்களின் உதவியுடன் எதிரிகளை அழிப்பதுதான் படத்தின் கதை. ஆனால் தமிழை பொறுத்தவரை, தனது ரசிகர்கள் எதிரிகளை அழிக்கும் விஷயத்தில் தான் ஒரே ஆளாக செயல்பட வேண்டும் என்றே எதிர்பார்ப்பார்கள் என்றும், அதில் நண்பர்கள் கூட்டணியுடன் தான் ஜெயிப்பது போன்ற காட்சிகளை அவர்கள் விரும்ப மாட்டார்கள் என்றும் கூறி இந்தப்படத்தில் நடிக்க மறுத்துவிட்டாராம் ரஜினி.