தெலுங்கில் ஒரு வாரம் கழித்தே விவேகம்...?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தெலுங்கில் ஒரு வாரம் கழித்தே விவேகம்...?

26 ஜூலை, 2017 - 16:41 IST

எழுத்தின் அளவு:

அஜித்தின் சிக்ஸ்பேக்குடன் கூடிய விவேகம் படத்தின் பர்ஸ்ட் லுக் பற்றி எதிர்மறை விமர்சனங்கள் எழுந்தாலும், இன்னொரு பக்கம் அஜித்தின் ரசிகர்களுக்கு அது பிடித்தது. பிறகு மிரட்டலான டீசர், 'சர்வைவா' பாடல், 'தலை விடுதலை' பாடலில் அஜித்தின் உடற்பயிற்சி கிளிப்பிங்குகள் என 'விவேகம்' படம் பற்றிய எதிர்பார்ப்பை அதிகரித்து வருகின்றனர்.

இந்தவரிசையில் விவேகம் படத்தில் நடித்துள்ள நடிகை அக்ஷ்ராஹாசனும் தன் பங்குக்கு படம் பற்றி புகழ்ந்து வருகிறார். அஜித்துக்கு ஜோடி காஜல் அகர்வால் என்றாலும், அக்ஷராவுக்கு, அஜித் உடன் பணிபுரியும் பெண் வேடம் கொடுத்துள்ளனர். அதன் அடிப்படையில், 'விவேகம்' படத்தின் புரமோஷனுக்காக நடிகை அக்ஷ்ரா ஹாசனை சென்னைக்கு அழைத்து வந்தனர்.

''இது ஒரு வழக்கமான அஜித் படமாக இருக்காது. ரசிகர்களுக்கு முற்றிலும் புதியதொரு அனுபவத்தை 'விவேகம்' படம் தரும். படத்தில் என்னுடைய கேரக்டர் அனைவருக்கும் பெரிய ஆச்சரியத்தைத் தரும் வகையில் உருவாக்கப்பட்டிருக்கிறது!'' என்று கூறியுள்ளார் அக்ஷ்ரா.

இதற்கிடையில் தணிக்கையில் ஏற்பட்ட பிரச்சனை காரணமாக 'விவேகம்' படத்தை ஆகஸ்ட் 10ஆம் தேதி வெளியிட இயலாத சூழல் ஏற்பட்டுள்ளது. ஒரு மாதத்துக்கு முன்பே தணிக்கைக்கு அப்ளை பண்ண வேண்டும் என்று புதிய விதிகள் சொல்லப்படுவதால் விவேகம் படத்தை ஆகஸ்ட் 10க்குள் தணிக்கை செய்ய முடியாத சூழல்.

அப்படியே கடைசி நேரத்தில் தணிக்கை செய்ய முடிந்தாலும் தெலுங்கு பதிப்பை குறிப்பிட்ட நாளில் சென்சார் பண்ண முடியாது என்கின்றனர். அதனால் தெலுங்கு பதிப்பை ஒருவாரம் கழித்து வெளியிடுவதைத் தவிர வேறு வழியில்லை என்கின்றனர் விவேகம் படக்குழுவைச் சேர்ந்தவர்கள்.

vivegam

vivekam

ajith

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய