Dinamalar

நடிகர் சங்கம் கட்டடம் கட்ட தடையில்லை : ஐகோர்ட்

நடிகர் சங்க வளாகத்தில் கட்டடம் கட்ட விதிக்கப்பட்டிருந்த இடைக்கால தடையை சென்னை ஐகோர்ட் நீக்கியுள்ளது.

தென்னிந்திய நடிகர் சங்கத்திற்கு சென்னை, அபிபுல்லா சாலையில் சொந்தமாக நிலம் உள்ளது. இங்கு நடிகர் சங்கத்தின் புதிய கட்டடம் கட்டப்பட இருக்கிறது. சில மாதங்களுக்கு முன்னர் பூமி பூஜை எல்லாம் நடந்தது. ரஜினி, கமல் உள்ளிட்ட பல திரையுலக பிரபலங்கள் இந்த விழாவில் பங்கேற்றனர்.

இந்நிலையில் சென்னை, தி.நகரை சேர்ந்த ஸ்ரீரங்கன், அண்ணமாலை ஆகியோர் நடிகர் சங்கம், 33 அடி சாலையை ஆக்கிரமிப்பு செய்துள்ளதாக சென்னை ஐகோர்ட்டில் ஒரு மனு தாக்கல் செய்தனர். அதில், தி.நகரில், அபிபுல்லா சாலையையும், பிரகாசம்சாலையையும் இணைக்கும் விதமாக, 33 அடி சாலை இருந்தது. தென்னிந்திய நடிகர் சங்கம், இந்த பகுதியில், 1956ம் ஆண்டில் நிலம் வாங்கியது. தற்போது, சாலையையும் ஆக்கிரமித்து, 18 கிரவுண்ட்டுக்கு உரிமை கோருகிறது. 33 அடி சாலையையும் சேர்த்து, பட்டா பெற்று விட்டனர். மேலும் குடியிருப்பு பகுதியில் அடுக்கமாடி வளாகம், தியேட்டர் கட்ட முடியாது. விதிமுறையை மீறி கட்டடம் கட்ட அனுமதி பெற்றுள்ளனர். எனவே, 33 அடி அகலமான சாலையில், கட்டுமானங்கள் மேற்கொள்ள தடை விதிக்க வேண்டும் என்று கூறியிருந்தனர்.

இதை ஏற்ற சென்னை ஐகோர்ட், கட்டடம் கட்ட இடைக்கால தடை விதித்து இருந்தது. அதோடு உரிய விளக்கம் கேட்டு நடிகர் சங்கம், தமிழக அரசுக்கும் நோட்டீஸ் அனுப்பப்பட்டது. எந்த ஆக்கிரமிப்பும் செய்யப்படவில்லை என நடிகர் சங்கம் தங்கள் தரப்பு விளக்கத்தை கொடுத்தது. இதை ஏற்று கொண்ட நீதிமன்றம், கட்டடம் கட்ட விதிக்கப்பட்டிருந்த இடைக்கால தடையை நீக்கியது. வழக்கின் தீர்ப்பை தேதி குறிப்பிடாமல் ஒத்தி வைத்தது.

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...

• 
  ரச்சிதா பிறந்தநாளில் வெளியான ‛பயர்' முன்னோட்ட வீடியோ
• 
  மே 3ல் ரிலீஸாகும் ‛குரங்கு பெடல்'
• 
  அஜித்துக்காக உருவாக்கப்பட்ட டைட்டிலில் அருண் விஜய்
• 
  பவன் கல்யாண் எத்தனை கார்கள் வைத்திருக்கிறார் தெரியுமா ?
• 
  இயக்குனர் சேரனின் மூத்த மகளுக்கு திருமணம்