தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
தங்கமீன்கள் படத்திற்கு பிறகு இயக்குனர் ராம் இயக்கியுள்ள படம் தரமணி. இதில் ஆண்ட்ரியா, வசந்த் ரவி, அஞ்சலி, அழகம்பெருமாள் நடித்துள்ளனர். யுவன் சங்கர் ராஜா இசை அமைத்துள்ளார், தேனி ஈஸ்வர் ஒளிப்பதிவு செய்துள்ளார். ஜே.எஸ்.கே பிலிம் கார்ப்பரேஷன் சார்பில் ஜே.சதீஷ்குமார் தயாரித்துள்ளார்.
ராம் இந்த படத்தை பல மாதங்களுக்கு முன்பே முடித்துக் கொடுத்து விட்டு, தற்போது மம்முட்டி நடிக்கும் பேரன்பு படத்தை இயக்கி வருகிறார். இதுவரை தரமணி படத்தை பெட்டியில் போட்டு வைத்திருந்த தயாரிப்பாளர் தற்போது தான் அதை தணிக்கை குழுவிற்கு அனுப்பினார். படத்தின் கதை ஐ.டி கம்பெனிகளின் பின்னணியில் இன்றைய காதலை சொல்கிறது. இதனால் மது அருந்தும் காட்சிகள், பார்ட்டி தொடர்புடைய காட்சிகள் அதிகம் இருந்ததாம். குறிப்பாக ஹீரோயின் ஆண்ட்ரியா மது அருந்தும் காட்சி இருந்ததாம் அதனால் படத்துக்கு ஏ சான்றிதழ் கொடுத்துள்ளனர்.
இதுவரை இந்தப் படத்தை திரையுலகைச் சேர்ந்த பல விஐபிகள் பார்த்துவிட்டனர். இயக்குநர் பாரதிராஜா இந்தப் படத்தைப் பார்த்துவிட்டு, நானெல்லாம் ஒரு இயக்குநரே இல்லய்யா... ராம் தான் பிரமாதமான இயக்குநர். இந்தியாவிலேயே சிறந்த இயக்குநர் அவன்தான் என்பேன்," என்று பாராட்டினார்.
ஆனால் தணிக்கைக் குழுவோ, பெண் மது அருந்தும் காட்சி உள்ளதாக கூறி ஏ சான்று தான் தர முடியும் என்று கூற, தயாரிப்பாளர் ஜேஎஸ்கே மற்றும் இயக்குநர் ராம், "எந்தக் காட்சியையும் நீக்க முடியாது, நீங்க கொடுக்கிறதைக் கொடுங்க," என உறுதியாக நின்றிருக்கிறார்கள். இப்போது ஏ சான்றிதழுடன் தான் வெளியாகிறது தரமணி.
ஆனால் ஹீரோக்கள் சரக்கடிக்கும் காட்சிகள் கொண்ட எத்தனையோ படங்கள் வந்துள்ளன. அவற்றுக்கு அல்லது அதிகபட்சம் யு/ஏ தான் வழங்குகின்றனர். இதைக் குறிப்பிட்டு நேற்று வெளியிட்ட பட விளம்பரத்தில் ஆண் ராவாக மது அருந்தினால் யு/ஏ... பெண் ராவாக அருந்தினால் ஏ! ஆக தரமணி ஏ! என்று குறிப்பிட்டுள்ளனர். இன்று வெளியிடப்பட்ட விளம்பரத்தில் "ஆண் பிடித்தாலும் சரி, பெண் பிடித்தாலும் சரி புகையால் வருவது புற்று நோயே" என்று குறிப்பிட்டுள்ளனர். படம் வரும் ஆகஸ்ட் 11ம் தேதி வெளியாகிறது.