தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் |
ரஜினி நடித்து வரும் படம் காலா. அவர் நடித்து முடித்துள்ள 2.ஓ படத்தின் போஸ்ட் புரொடக்ஷன் பணிகள் நடந்து வரும் நேரத்தில் காலா படத்தில் தீவிரமாக நடித்து வருகிறார் ரஜினி. முந்தைய படமான கபாலியை இயக்கிய பா.ரஞ்சித் இதனையும் இயக்குகிறார். ரஜினியுடன் ஹூயூமா குரேஷி, சமுத்திரகனி, ஈஸ்வரி ராவ், நானா படேகர், சுகன்யா உள்பட பலர் நடிக்கிறார்கள். சந்தோஷ் நாராயணன் இசை அமைக்கிறார். ஜி.முரளி ஒளிப்பதிவு செய்கிறார்.
தமிழ்நாட்டில் இருந்து மும்பை சென்று அங்கு தாதாவாக வளர்ந்த ஒருவரின் கதை. இதன் முதல் கட்ட படப்பிடிப்புகள் மும்பையில் நடந்தது. இரண்டாம் கட்ட படப்பிடிப்புகள் சென்னையில், மும்பை தாராவி செட்டில் நடந்து வருகிறது. படத்தின் பட்ஜெட் ரூ.100 கோடிக்கு மேல் என்று கூறப்பட்டு வந்தது. தற்போது படத்தின் பட்ஜெட் ரூ.160 கோடி என்று அதிகாரபூர்வ தகவல் வெளியாகி உள்ளது.
காலா படத்தின் தலைப்பும், கதையும் என்னுடையது என்று காரம்பாக்கத்தைச் சேர்ந்த கே.ராஜசேகரன் என்பவர் தொடர்ந்த வழக்கில் இயக்குனர் பா.ரஞ்சித், தயாரிப்பாளர் தனுஷ், மற்றும் ரஜினி சார்பில் தாக்கல் செய்யப்பட்டு பதில் மனுவில் காலா படம் 160 கோடி செலவில் எடுக்கப்பட்டு வருகிறது என்றும் அடுத்த ஆண்டு வெளிவர இருக்கிறது என்றும் குறிப்பிடப்பட்டுள்ளது.