ஹாலிவுட் பட ஆடிசனில் கலந்து கொண்ட பஹத் பாசில் | தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை | ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி | இந்த வருடத்திற்கான ஓடிடி கதவுகள் மூடப்பட்டு விட்டன : விஷால் எச்சரிக்கை மணி | ஈரோட்டில் ரசிகர்களை சந்தித்த த்ரிஷா | வித்யாபாலன் டிவியில் பார்த்த முதல் பாடல், எது தெரியுமா ? | 'கில்லி' எத்தனை மொழிகளில் ரீமேக் ஆனது தெரியுமா ? | குருவாயூரில் நடந்த 'டாடா' நாயகி அபர்ணா தாஸ் திருமணம் | பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் |
எத்தனை வருடங்கள் ஆனாலும், எம்ஜிஆரின் திரைப்படங்களை ரசிப்பதற்கென்றே ஒரு ரசிகர் கூட்டம் இருக்கிறது. எம்ஜிஆர் பல திரைப்படங்களில் நடித்திருந்தாலும் அவருடைய சில படங்களை எத்தனை முறை வேண்டுமானாலும் திரும்பத் திரும்பப் பார்க்கலாம்.
சிவாஜிகணேசன் நடித்த 'கர்ணன், வசந்த மாளிகை, வீரபாண்டிய கட்டபொம்மன், பாசமலர்' ஆகிய படங்களை டிஜிட்டல் வடிவில் வெளியிட்டதைத் தொடர்ந்து தற்போது எம்ஜிஆர் நடித்த படங்களை டிஜிட்டல் வடிவில் வெளியிட ஆரம்பித்துள்ளார்கள்.
அந்த வரிசையில் இன்று எம்ஜிஆர், ஜெயலலிதா, அசோகன் மற்றும் பலர் நடித்த 'அடிமைப் பெண்' திரைப்படம் வெளியாகிறது. இந்தப் படத்தை டிஜிட்டல் வடிவிலும், 5.1 ஆடியோ தொழில்நுட்பத்திலும் மாற்றி வெளியிடுகிறார்கள். படத்தைப் பார்த்தால் புத்தம் புதிதாக பார்ப்பது போல் உள்ளது. அந்த அளவிற்கு ஒளி, ஒலி அமைப்பில் நல்ல தரத்தைக் கூட்டியிருக்கிறார்கள்.
இன்று வெளியாகும் 'அடிமைப் பெண்' படத்தையடுத்து 'உலகம் சுற்றும் வாலிபன்' படத்தையும் டிஜிட்டல் வடிவில் வெளியிட உள்ளதாக 'அடிமைப் பெண்' படத்தின் முடிவில் அறிவித்திருக்கிறார்கள்.
எம்ஜிஆர் நடித்த படங்களிலேயே பல முறை ரீ-ரிலீஸ் செய்யப்பட்டு புதிய படம் போல வசூலித்த படம் 'உலகம் சுற்றும் வாலிபன்' என்பது குறிப்பிடத்தக்கது.