ரீ-ரிலீஸ் படங்களால் யாருக்கு லாபம்? | விஜய் கையில் காயம் : ரசிகர்கள் வருத்தம் | ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? |
பிரபல ஓவியர் வீரசந்தானம். திரைப்பட நடிகராகவும் இருந்தார் 70 வயதான வீரசந்தானம். கும்பகோணத்தை சேர்ந்தவர். இவர் சென்னை தேனாம்பேட்டையில் குடும்பத்தினருடன் வசித்து வந்தார். பத்திரிகைகளுக்கு ஒவியம் வரைவதுடன் சமுதாய பிரச்னைகள் மற்றும் இலங்கை தமிழர் பிரச்னை குறித்து ஓவியங்கள் வரைந்து அதனை கண்காட்சியாகவும் நடத்தினார். ஜல்லிகட்டு, நெடுவாசல் உள்ளிட்ட பல போரட்டங்களில் கலந்து கொண்டிருக்கிறார். பாலுமகேந்திரா இயக்கிய சந்தியாராகம் படத்தின் மூலம் சினிமாவில் அறிமுகமான வீரசந்தானம், அவள் பெயர் தமிழரசி, கத்தி, பீட்சா, உள்ளிட்ட பல படங்களிலும் நடித்துள்ளார்.
கடந்த சில மாதங்களாகவே முதுமை காரணமாக உடல் நலக்குறைவால் அவதிப்பட்டு வந்த சந்தானம் அதற்கான சிகிச்சை பெற்று வந்தார். நேற்று அவருக்கு திடீரென மூச்சு திணறல் ஏற்பட்டது. தேனாம்பேட்டையில் உள்ள தனியார் மருத்துவமனையில் அனுமதிக்கப்பட்டார். அங்கு சிகிச்சை பலனின்றி உயிர் இழந்தார். மறைந்த வீரசந்தானத்திற்கு சாந்தி என்ற மனைவி, சங்கீதா, சாலிகா என்ற இரு மகள்கள் உள்ளனர். அவரது இறுதி சடங்குகள் இன்று நடக்கிறது.