சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் | கிரிக்கெட் பின்னணி கதையில் விஜய் மகன் | சிஎஸ்கே வீரருடன் சீரியல் நடிகைக்கு காதலா? - நடிகையே சொன்ன உண்மை | பணத்திற்காக அட்ஜெஸ்ட்மெண்ட்? - ஆர்த்திகா அளித்த அதிரடி பேட்டி |
கேளிக்கை வரி விவகாரத்தில் விரைவில் நல்ல முடிவு ஏற்படும் என விஷால் நம்பிக்கை தெரிவித்துள்ளார்.
தமிழகத்தில் திரையரங்களுக்கு வசூலிக்கப்படும் ஜிஎஸ்டி கட்டணத்துடன் மாநில அரசின் 30 சதவீதம் கேளிக்கை வரியும் விதிக்கப்பட்டுள்ளது. இதற்கு எதிர்ப்பு தெரிவித்து திரையரங்கு உரிமையாளர்கள் 4 நாள் போராட்டத்தில் ஈடுபட்டனர். இதனால் சுமார் ரூ.100 கோடி வரை வர்த்தகம் பாதிக்கப்பட்டது. இதையடுத்து தமிழக அரசுடன் நடந்த பேச்சுவார்த்தையில் கேளிக்கை வரி தொடர்பாக குழு அமைத்து ஒரு முடிவு எடுக்கப்படும் என முடிவு செய்யப்பட்டது.
அதன்படி கேளிக்கை வரி தொடர்பான முதற்கட்ட பேச்சுவார்த்தை சென்னை தலைமை செயலகத்தில் நடந்தது. கூட்டத்திற்கு பிறகு செய்தியாளர்களிடம் பேசிய தயாரிப்பாளர் சங்க தலைவர் விஷால்...
கேளிக்கை வரி தொடர்பாக முதற்கட்ட பேச்சுவார்த்தை நடந்துள்ளது, இந்த விஷயத்தில் நல்ல முடிவு ஏற்படும் என நம்புகிறோம். தொடர்ந்து அடுத்தக்கட்ட பேச்சுவார்த்தை ஜூலை 24-ம் தேதி நடைபெற இருக்கிறது. எம்.ஜி.ஆரின் நூற்றாண்டு விழா கொண்டாடப்படும் இந்த வேளையில் தமிழ் சினிமாவை வளர்ச்சி அடைய செய்யவே அரசு உதவ வேண்டும். 30 சதவீதம் கேளிக்கை வரி விதித்தால் நிச்சயம் திரைத்துறை முடங்கும். படம் பார்க்க வரும் ரசிகர்களிடம் நிச்சயம் அதிக கட்டணம் வசூலித்து நோகடிக்க மாட்டோம். ஆன்லைன் டிக்கெட் கட்டணத்தை குறைக்க நடவடிக்கை எடுக்கப்படும். தியேட்டர்களில் விற்கப்படும் தின்பண்டங்களின் அதிக விலை குறித்து நான் எதுவும் கருத்து சொல்ல முடியாது. இதுதொடர்பாக அபிராமி ராமநாதனிடம் நாங்களும் ஒரு கோரிக்கையாக தான் வைக்க முடியும்.
இவ்வாறு விஷால் கூறினார்.