டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ்த் திரையுலகத்தினர் தமிழக அரசாங்கத்திடம் தியேட்டர் டிக்கெட் கட்டணங்களுக்காக விதிக்கப்பட்ட கேளிக்கை வரி விதிப்பை எதிர்த்துத்தான் தியேட்டர்களை மூடி போராட்டம் நடத்துகிறார்கள் என்று பெரும்பாலானோர் நினைத்துக் கொண்டிருக்கிறார்கள். ஆனால், அது உண்மையில்லை. அவர்கள் போராட்டம் நடத்துவதே தியேட்டர் டிக்கெட் கட்டணங்களை உயர்த்த வேண்டும் என்பதற்காகத்தான். இப்போதுள்ள டிக்கெட் கட்டணத்தில் 50 சதவீதத்திற்கும் மேல் கட்டணத்தை உயர்த்த வேண்டும் என்று அவர்கள் கோரிக்கையுடன் தொடர்ந்து பேசிக் கொண்டிருக்கிறார்கள் என்று தகவல்கள் தெரிவிக்கின்றன.
ஜிஎஸ்டி வரி விதிப்பிற்கு முன்னதாக கேளிக்கை வரியிலிருந்து விலக்கு அளிக்க வேண்டும் என்றால் குறிப்பிட்ட தொகையை லஞ்சமாகக் கொடுக்க வேண்டும். அப்போதுதான் கேளிக்கை வரி விலக்கு கிடைக்கும். அப்படிக் கொடுக்காதவர்களின் படங்கள் 'யு' சான்றிதழ் பெற்றிருந்தாலும் அதில் ஏதாவது ஒரு விஷயத்தைக் குறிப்பிட்டு, அந்த காரணத்தால் வரி விலக்கு இல்லை என்று மறுத்துவிடுவார்களாம். இதை திரையுலகத்தைச் சார்ந்த சிலரே வெளியில் சொல்லியிருக்கிறார்கள். அன்று தங்கள் படங்களுக்கு வரி விலக்கு கிடைக்க வேண்டும் என்பதற்காக பல தகிடுதத்த வேலைகளைச் செய்த பலர் இன்று பேச்சு வார்த்தைக் குழுவில் உள்ளதாகவும் சிலர் குறிப்பிடுகிறார்கள்.
உண்மையிலே மக்கள் தியேட்டர்களுக்கு வர வேண்டும் என்று அவர்கள் நினைத்திருந்தால் அந்த கேளிக்கை வரியை மக்கள் பயன்படும் வகையில் அவர்களுக்குக் கொடுத்திருக்க வேண்டும். தாங்கள் பல கோடிகளை வாங்க வேண்டும் மக்கள் சில ரூபாய்களை சேர்த்து கொடுக்க வேண்டும் என்பது என்னவொரு ஆசை என்று திரையுலகத்தைச் சேர்ந்த சிலரே கேட்கிறார்கள். அன்று சில பல லட்சங்களை லஞ்சமாகக் கொடுத்தவர்கள் இன்று ஸ்டிரைக் என்ற பெயரில் போராடுவது முரண்பாடுகளின் மொத்த உருவம் என்கிறார்கள் குறைந்த பட்ஜெட்டில் நல்ல படங்களைக் கொடுப்பவர்கள்.